júníblú

Blaðamaðurinn systir mín!

2008-10-17T18:10:00.002+02:00

Bara benda ykkur á þessa frétt hér...
Blaðamaðurinn er engin önnur en Ragnhildur undrasystir sem nú stundar mastersnám í Blaða- og fréttamennsku við Háskóla Íslands.

Stolt stóra systir hérna megin :)

Framlág hilla

2008-10-16T13:00:00.003+02:00

Hún ákvað að hætta á toppnum hillan mín, sem geymdi handklæði og rúmföt annars vegar og u.þ.b. fimm glervasa hins vegar. Já, mér finnst þetta mjög lógísk flokkun. En hún ákvað að þetta væri komið gott og eftirlét miðhillunni efsta sætið. Fallegt af henni. Hneigði sig og fór.

Glerbrotin flugu í allar áttir, ég átti fótum mínum fjör að launa og þakka fyrir að eiga inniskó út um allar trissur. Fann glerbrot í rúminu líka.

Stuð í Bagijnhof eins og alltaf.

Landsbankinn, spurt og svarað

2008-10-09T12:47:00.000+02:00

Er hægt að millifæra af reikningi í íslenskum krónum yfir á erlendan reikning?

Því miður er það ekki hægt.

Þar hafið þið það. Farin að leita mér að vinnu.

kristmann krossmann

2008-10-08T13:15:00.002+02:00

Erfitt að skilja tengslin í (fyrrverandi) íslensku athafnalífi?

Kíkið á þetta.

go!

2008-10-03T19:05:00.002+02:00

fékk go! skipulögð útskrift 31. okt... samt hlutir sem þarf að laga... en fékk go. farin út að fagna. bæ

hittir naglann á...

2008-10-02T09:51:00.002+02:00

höfuðið! Stjörnuspáin í Mogganum.

Steingeit:
Þú ert að vinna þig í áttina að velgengnisstákni, en sanna velgengnin býr í manneskjunni sem þú verður þegar þú gefur þig allan í vinnuna. Þú þarft ekkert tákn.

tímasetningin er fullkomin :)
fínt að taka aldrei mark á stjörnuspá nema þegar hún á við það sem maður er að gera. hún átti líka við mig fyrir tveimur dögum... spurning um að fara að taka meira mark á þessu.

tveir og hálfur dagur til stefnu...

2008-10-01T02:17:00.004+02:00

og ég er bara eitthvað að leika mér að photosjoppa deilin mín! kreisí... nóg annað að gera. laga grunnmyndir, laga sniðin, laga útlitin... ó mæ gad!

þetta er semsagt lárett snið í framhlið hússins. framhliðin hallar inn á við, þannig að maður sér líka framhliðina og steypuvirkið sem hún hangir á. eða... skilur þetta einhver?

verð líka með vector versionina með útskýringum við hliðina á. þetta er bara svona til að gefa tilfinningu fyrir efnum. glugginn er ekki leystur, þarf að fá meiri upplýsingar um hvernig þetta gler er sett í vegg. samansoðið gler... mér finnst það pörtí.

geisp!

ó boj!

2008-09-29T17:44:00.001+02:00

Já, er á lífi, en nei, lifi engu lífi. Læt vita með statusinn á föstudagseftirmiðdag. Allir senda góða strauma til mín þá! Þangað til næst... ef svar þessa varaforsetaefnir repúblikana er ekki eitthvað til að hafa áhyggjur af, ja.. þá... veit ég ekki hvað.

Jack Cafferty Tells Us How He Really Feels About Sarah Palin

Lítið eftir

2008-08-27T15:37:00.003+02:00

Frekar lítið eftir af skólabyggingunni. Búið að vera að rífa hana niður í allt sumar, og nú stendur bara lyftu- og stigastokkurinn.

Ég sakna enn skólans, og ég held að allir aðrir nemendur skólans og starfsfólk hugsa það sama. En nú er unnið hörðum höndum á að koma okkur inn í gömlu aðalbyggingu skólans, sem verður arkitektúrbyggingin í 4-5 ár meðan nýtt húsnæði er byggt. Minn hópur mun þó ekki komast inn í þá byggingu fyrr en í lok árs, og þá vona ég að ég verði útskrifuð hvort sem er.
Tjaldborginar sem reistar voru skömmu eftir brunann munu gegna hlutverki skólastofa þangað til. Ég á bara eitthvað erfitt með að vinna þar. Vinn frekar heima, en sakna á sama tíma félaganna, sem flestir húka hver í sínu horni og vinna. Þurfti þessi kjánalegi bruni endilega að gerast? Dæs.

Niðurrifið live.

og á gólfi...framúrskarandi

2008-08-27T10:22:00.001+02:00

Fæ ekki nóg af fimleikum eftir Ólympíuleikana

2008-08-27T10:19:00.001+02:00

Þetta er ótrúleg frammistaða!

Sumarstarf í boði

2008-08-14T17:15:00.003+02:00

Starfsmaður óskast til borgarstjórnarstarfa í sumar. Þarf að vera léttklikkaður og með mikilmennskubrjálæði. Einnig þarf viðkomandi að geta rekið fólk með stuttum fyrirvara úr ráðum og nefndum borgarinnar til þess að haga gælumálum sínum eins og þeim finnst best þann og þann daginn. Annars engar kröfur um hæfni. Góð laun í boði fyrir rétta ranga aðilann. Fín leið til að fá bílastæði í miðborginni. Áhugasamir hafi samband við símadömuna Soffíu á skiptiborði Ráðhúss Reykjavíkur. (hún er með lengstan starfsaldur í ráðhúsinu)

útvarpshöfuð hér komum við

2008-07-02T19:14:00.004+02:00

jæja, fimmhundruðkallinn búinn að tróna á toppnum nógu lengi, ég geri ráð fyrir að allir hafi skemmt sér vel á þjóðhátíðardaginn...

nú er komið sumar, hitinn læðist upp í 30 gráðurnar á daginn, rakinn eftir því. stöku hitaskúr. bara meginlandssumar í hnotskurn.

fór í útilegu um daginn á eyju í Frieslandi, sem heitir Terschelling. rosalega falleg eyja þar sem við skemmtum okkur konunglega. myndir fara kannski á myndasíðuna fljótlega. hér er ein mynd þaðan.

ragnhildur undrasystir kemur til mín annaðkvöld og við ætlum ásamt ren að lestast yfir til berlínar á laugardaginn þar sem við ætlum að rölta um borgina og skoða margt og mikið. á þriðjudaginn er svo fyrirfram ákveðinn hápunktur ferðarinnar því þá berjum við loksins þá frægu hljómsveit Radiohead augum og fáum að njóta eyrnakonfekts þeirra kumpána. mikil gleði.

svo er planið að fara eina helgi til Ghent í Belgíu, um miðjan júlí. svo verður farin 3-4 daga Zumthor ferð í byrjun ágúst. þess fyrir utan verð ég hér, mun hlekkja mig við tölvuna og dúkahnífinn (ekki gott kombó kannski) við teikninga- og módelsmíð.

er búin að vera að átta mig á því hægt og hægt, hve mikið ég missti í raun í brunanum mikla. það er komið upp í nærri 400 evru virði af efni, bókum og áhöldum. stend nú í því að reyna að fá einhvern pening í bætur... það er ekki gaman. sjáum til hvernig það fer.

sendi sumarkveðjur til allra (þessara fimm) lesenda með von um að þið séuð að njóta sumarsins í hvaða veðráttu sem það sýnir sig.

Hæ Hó Jibbí Jey

2008-06-17T14:22:00.004+02:00

Gleðilega Þjóðhátíð Íslendingar nær og fjær!

Í dag eru 197 ár liðin frá fæðingu Jóns Sigurðssonar. Það hljóta að verða rosaleg hátíðarhöld árið 2011 á þessum degi. Þá ætla ég að vera á Íslandi. Kannski maður kíki á safnið um Jón á Hrafnseyri

Ég fór að velta einu fyrir mér um daginn. Ef Jón og Ingibjörg hefðu eignast afkomendur, væru þeir þá nánast aðall Íslands? Við værum pottþétt búin að hafa einhvern forseta sem væri barnabarnabarn Jóns og Ingibjargar. Væri til Jón Sigurðsson II? Er samt ekki viss hversu langt Íslendingar gengju í þessum efnum. Þó er ég viss um að afkomendur Jóns fengju athygli í fjölmiðlum. Og við myndum fletta þeim upp í Íslendingabók, alveg eins og allir hafa örugglega flett upp Davíð Oddssyni til að sjá tengslin við hann.
Langalangamma mín og Jón Sigurðsson voru fimmmenningar. Hann Jón frændi minn sko... hann var kallaður forseti.

Þau kunna að leika sér Músarbörnin

2008-06-09T14:06:00.001+02:00

tjalddýnan er algert ævintýri í þeirra augum. undir, yfir, inní tjalddýnugöngum. Stuð!

við bomburnar

2008-05-21T16:55:00.005+02:00

ekki nóg með að skólinn hafi brunnið ofan af mér í síðustu viku, þá er nú búið að rýma vinnustað Ragnhildar í Snælandsskóla vegna sprengju sem fannst rétt hjá! Meiri lætin! Spurning hvort þetta er eins sprengja of fannst í mínu gamla húsi, sjá færslu.

Áhugaverð teiknistofa

2008-05-20T20:16:00.002+02:00

Veit einhver hvaða teiknistofa er hér á ferðinni?

Eignamiðlun ehf kynnir: Íbúð nr. 14.02 í húsi nr. 18 við Vatnsstíg. Um er að ræða 128,8 fm. Fastanúmer íbúðarinnar er 2297865. Lýsing eignarhluta skv. eignarskiptayfirlýsingu: Íbúð 10 1402, fastanr. 229-7865.
Íbúð á 14. hæð til norður, austurs og suðurs. Í íbúðinni er samkvæmt fyrirliggjandi
teikningum borðstofa, setustofa, bókastofa, tvö svefnherbergi, eldhús, baðherbergi og
þvottahús og gestasnyrting, svalir til suðurs, alls 13.3 m2. Íbúðinni fylgir sérgeymsla í neðri kjallara merkt -112, hlutdeild í sameign sumra Y2 í matshluta sem er gangar, stigahús, tæknirými, sorpgeymsla, hjóla- og vagnageymsla og hlutdeild í húsi og lóð. Birt flatarmál íbúðar er 128.8 m2 og geymslu 7.2 m2 eða alls 136.0 m2. Hlutfallstölur koma fram í viðauka með eignaskiptayfirlýsingu þessari, þar með talin hlutdeild í matshluta 16, bílgeymslu.
Bílastæði merkt nr. 0037 á fleti 1 í bílastæðahúsi, mhl. 16, fylgir þessari íbúð.
Skipti möguleg á minni íbúðum.

Skemmtilegt hvað þeir blanda teiknitækninni saman. Þrívíddar renderingar og svo einföld handgerð skissuteikning af grunnmyndinni. Það virðist sem þetta prójekt hafi spannað nokkrar kynslóðir arkitekta. Skemmtilegt. Hlýtur að selja.

aðeins bjartara

2008-05-20T15:26:00.003+02:00

niðurrifið hafið. það er búið að hlaða gámum utan á bókasafnið, sem er tveggja hæða botnlangi út úr aðalbyggingunni, til að verja bókasafnið fyrir brotunum sem detta niður. Það á að reyna að létta á byggingunni til þess að reyna að koma í veg fyrir að hún hrynji ofan á bókasafnið sem er að mestu leyti heilt. Það eru samt nokkrar vikur í að þeir geti farið að bjarga hlutum úr bókasafninu.

Ég átti nokkur skissumódel inni í byggingunni og bækur og blöð í tengslum við verkefnið mitt, en ekkert sem er ekki hægt að gera aftur frekar fljótlega. Ekkert miðað við svo marga.

en það er líka kominn tími til að tala um eitthvað annað en þennan bruna þó hann sé manni ofarlega í huga. Það er verið að vinna að því að koma nemendum fyrir í öðru húsnæði en ég ákvað bara að skella mér til Íslands þangað til.

Já, kem heim á laugardaginn og verð í 11 daga. Það verður ljúft líf, fínt að komast aðeins í burtu frá svartsýninni hérna.

Ég veit um fólk sem er að vara fólk við að koma hingað í nám. Ég verð svo reið þegar ég heyri svona, því þessi skóli er ekki bara þessi bygging. Að sjálfsögðu væri það fínt að allt væri eins og það var, en svona bölsýni hjálpar ekki uppbyggingunni. Það sama fólk er að reyna allt sem það getur til að fá skólann til þess að bæta sér tjónið við að missa aðstöðuna, með peningagjöf. Þetta er eiginhagsmunasemi sem fer úr öllu hófi. Þoli ekki svona hugsanahátt. Þetta verður allt í lagi. Hollendingar eru snillingar í að plana hluti hratt og örugglega. Þetta verður komið í fínt lag (auðvitað tekur tíma til að fá hlutinga til að ganga smurt fyrir sig) áður en maður veit af. Aðlögunarhæfnin okkar verður líka að vera til staðar. Ég segi alveg eins og er að ég vissi ekki hvernig bókasafnið eða módelgerðaraðstaðan væri í þessum skóla áður en ég kom (þó ég hafi svosem alveg gert ráð fyrir að hún væri betri en í LHI), en ég get á engan hátt hugsað um þetta sem atburð sem skólayfirvöld verða að taka ábyrgð á með því að endurgreiða mér hluta skólagjaldanna. Það væri á sama tíma sektaryfirlýsing í mínum huga og þetta slys var ekki neinum einum að kenna.
Það varð til röð atvika sem urðu að endanum að stóru báli sem enginn réð við. Við getum ekki sett skólann á pásu þar til ný bygging kemur. Skólinn er miklu meira en þessi bygging.

úff þurfti að koma þessu frá mér.

Já það lítur út fyrir að þessi færsla snúist ekki um mikið annað en brunann. Næsta færsla verður um eitthvað annað. Lofa.

p.s. Lína Ofurdreki á ammli í dag. Til hamingju með daginn sæta baun.

Mogginn segir frá

2008-05-16T12:09:00.002+02:00

Reyndar er það ekki rétt að það séu tveir íslenskir nemendur við skólann. Við erum þrjár. En það er aukaatriði.

Hér má svo sjá myndband af byggingunni þegar hún hrynur að hluta. Rosalegt.

niðurrif

2008-05-15T11:36:00.002+02:00

húsið gereyðilagðist semsé. eitthvað náðist út af stólasafni og módelum, veit ekki enn hvort þeir náðu einhverju út úr bókasafninu.

niðurrif hefst á morgun.

kennsla heldur áfram, verið er að reyna að finna húsnæði fyrir allt þetta fólk, eitthvað ætla þeir að setja upp af tjöldum á íþróttasvæðinu... það verður áhugavert að sjá.

myndir eru komnar inn á myndasíðuna.

farin á fund

doei!

skolinn brennur :(

2008-05-13T22:41:00.003+02:00

Thad var afar serstakur dagur her i Delft. Vinkona min hringdi i mig heim og sagdi mer ad byggingin okkar, arkitekturdeildin, vaeri ad brenna. Eg var og er netlaus heima (eitthvad bilad) og gat thvi ekkert sed thetta a netinu ne i frettum. For thvi bara ut i hvelli og for ut a haskolasvaedid. Thar var folk ut um allt, nalaegar byggingar hofdu verid rymdar.

Talid er ad eldurinn hafi kviknad i storri kaffivel. Talid ad vatnsleki hafi framkallad short circuit (man ekki hvad thad heitir) og eldur kviknad. Byggingin var rymd hratt en trulega hefur enginn getad imyndad ser ad ekki yrdi farid thar inn aftur. Enginn meiddist svo vitad se.
Eldurinn kviknadi a 6.haed og breyddist hratt ut, upp a 13 haed. Slokkvilidid akvad um eittleytid i dag ad henni vaeri ekki vidbjargandi og vegna haettu a hruni foru allir slokkvilidsmenn ut ur byggingunni. Svo er hann buinn ad vera ad breida ur ser nidur a vid i allan dag og kvold. I kvold hrundi svo framhlid byggingarinnar nidur. Og enn logar i henni.

Eg mun aldrei fara inn i thessa byggingu aftur. Thad er mjog undarleg tilfinning. Eg mun ekki utskrifast tharna. Thad veit enginn neitt, en a morgun verdur fundur med nemendum og kennurum og farid yfir moguleikana i stodunni. Thad eru um 4000 nemendur i thessari byggingu, og eflaust um 1000 manna starfslid. Thad eru allir mjog slegnir yfir thessu. Byggingin sjalf var mjog falleg ad minu mati, en thad sem er ad brenna tharna inni eru morg likon helstu arkitekta heims, bokasafnid var einstakt og med fjoldanum af gomlum bokum. Leidbeinandinn minn er buinn ad vinna baki brotnu ad thvi utbua syningu sem atti ad opna nu a fostudag, thar sem atti ad syna safn skolans af likonum sem menn eins og Le Corbusier og Mies van der Rohe byggdu. Thetta er allt farid. Eg a vin sem er buinn ad vera ad vinna ad modeli a staerd vid herbergi, i um atta manudi. Thetta model er farid og hann mun ekki hafa thad thegar hann utskrifast.
Thegar madur ber thetta saman vid adrar hormungar i heimnum i dag tha er thetta litid atridi. Bygging brann. En thessi atburdur er ad hafa meiri ahrif a mitt lif naestu vikur og thvi er madur lika sleginn.
En skolinn er folkid og hugvitid, thad tharf bara ad koma okkur undir annad thak sem fyrst.

Eins og eg segi. Afar serstakur dagur i Delft. Slaandi.

Eg tok helling af myndum en vegna netleysis heima hja mer tha get eg ekki sett thaer inn. Eg sendi ykkur tvaer-thrar myndir nuna og mun svo setja restina inn sem fyrst.

Meira seinna.

Knus a linuna.

Una

Þrír litlir músarungar

2008-04-20T22:36:00.003+02:00

Í nótt fæddust þrír litlir Músarungar. Ég er ótrúlega stolt af Músinni minni sem stóð sig eins og hetja. Reyndar fæddist sá fjórði, en hann var dáinn.

Tveir þeirra eru miklu stærri en sá þriðji. Sá litli, er að öllum líkindum læða því hún er þrílit og það ku einungis vera læður sem geta það.

Ég er búin að vera rosalega spennt í dag að fá myndir og lýsingar, því í raun var enginn sem vissi um fæðinguna nema meðleigjandi Ragnhildar því Ragnhildur var á Akureyri og kom heim í dag. Hún sá tvo fædda þegar hún kom heim í gærkvöld og lét Ragnhildi vita, svo lét hún hana vita um þann þriðja í morgun. Hún átti þá á sófanum hennar Ragnhildar og það er víst alveg öruggt að áklæðið þarf að fara í hreinsun!

Í dag var ég að horfa á þau Músafjölskylduna í gegnum webcam, tæknin maður! Rosa gaman. Já, ég er svona crazy cat lady í dag.

Myndir hér

hringavitleysa

2008-04-16T19:19:00.004+02:00

Já, það er ekki ofsögum sagt að ég sé með þráhyggju á háu stigi. Ég og hringformið erum eitt. Ég er líka að verða hringlaga bráðum. Sem er töff.

Mér finnst þetta líka töff.

Ókeypis hótel í Vín í Austurríki. Holræsarör söguð í sundur og settur frontur og bak. Voila!

ell ell

2008-04-11T16:01:00.000+02:00

pallbíll er skemmtilegt orð

spilasalar eldur

2008-04-08T17:30:00.000+02:00

The Arcade Fire - Neighbourhood #1 (Tunnels)

...and if the snow buries my,
my neighbourhood.
And if my parents are crying
then I'll dig a tunnel
from my window to yours,
yeah a tunnel from my window to yours.

You climb out the chimney and meet me in the middle,
the middle of the town.
And since there's no one else around,
we let our hair grow long
and forget all we used to know,
then our skin gets thicker
from living out in the snow.

You change all the lead
sleepin' in my head,
as the day grows dim I hear you sing a golden hymn.

Then we tried to name our babies,
but we forgot all the names that,
the names we used to know.

But sometimes, we remember our bedrooms,
and our parent's bedrooms,
and the bedrooms of our friends.

Then we think of our parents,
well what ever happened to them?!

You change all the lead
sleepin' in my head to gold,
as the day grows dim,
I hear you sing a golden hymn,
the song I've been trying to say.

Purify the colours,
purify my mind.
Purify the colours,
purify my mind,
and spread the ashes of the colours over this heart of mine!

pacerinn

2008-03-28T01:40:00.002+01:00

er ég eina manneskjan í heiminum sem fannst þessir bílar geðveikt flottir?
það var kona sem kom allaf reglulega að heimsækja kall, sem bjó í blokkinni minni sem ég bjó í þegar ég var lítil, hún átti svona bíl. ég sat út í glugga og starði á hann tímunum saman, svo spes bíll eitthvað. en flottur! eða hvað?
svo var ég rosa glöð að garth og wayne höfðu sama bílasmekk og ég, þeir óku um á svona drossíu í Wayne's World. Sá bíll er btw til sölu einhversstaðar á netinu stóra. maður ætti náttúrulega að skella sér á hann.

rock on!

Páskahretið

2008-03-23T12:15:00.002+01:00

Það snjóar hér í Delft á Páskasunnudegi.

Hér er allt rólegt, eins og á venjulegum sunnudegi, nema húsið er nánast tómt. Fólk farið heim til fjölskyldna sinna greinilega. Hér sit ég að teikna, horfi út um gluggann, var að hlusta á Páfann tala frá Róm. Hann var að fara með páskakveðjur á mörgum tungumálum. Ætli hann sé með sérfræðinga á sínum snærum til að fara yfir framburðinn? Það voru allir frekar niðurrigndir þarna í Vatíkaninu. Varðprestar (stóðu vörð) með rauða skúfa, en einnig með prestskraga, þar sem rauði liturinn lak niður á kragann. Bleikir prestskragar virka doldið metró.

Fékk páskaegg nr. 1 í boði Hjördísar. "Allir eru vinir meðan vel gengur"
Mér finnst ég nú samt eiga marga vini sem voru til staðar þegar illa gekk. Þannig að ég tek ekki mikið mark á þessari neikvæðni.

Nú er ég að fara út í pólskan páskamat. Namminamm.

Gleðilega páska kæru vinir.

Kvót

2008-03-22T18:15:00.001+01:00

"Indecision may or may not be my problem."

Jimmy Buffett

eruð þið ekki að grínast???

2008-03-13T17:44:00.003+01:00

Evran komin í 109,79 krónur!!!

jemundur minn, á ég að teljast heppin að hafa fært krónur yfir í evrur á genginu 105??? þetta er út úr kortinu!

Veit ekki hvernig þessi færsla væri án upphrópunar-og spurningamerkja.

OKUR OKUR OKUR

2008-03-07T18:03:00.004+01:00

Mikið er ég glöð.

Íslendingar að vakna til vitundar um verðlagið á Klakanum.

Okursíða Dr. Gunna hefur margar allsvakalegar sögur að segja. Fólk skrifar honum línu þegar það verður vart við okur á Íslandi.

Ég mæli með að fólk geri slíkt hið sama og láti ekki bjóða sér svona verðlag. Ég kvíði bara fyrir að flytja heim og verða gjaldþrota á að kaupa í matinn.

ÖSS!

Mánudagur

2008-02-25T15:34:00.002+01:00

Já, Matta búin að fara í aðra aðgerð og það lítur út fyrir að bataferlið sé loksins komið í gang. Húrra fyrir henni.

Nú er ég loks komin í mitt eigið herbergi í húsinu. Ég er búin að vera undirleigjandi síðan í júlí á síðasta ári. Nú hef ég mín réttindi og þar með skyldum að gegna. Núna er ég yfirumsjónarmaður ryksugunnar :) Þetta er að sjálfsögðu mikið ábyrgðarhlutverk. Nú rétt í þessu var ég að skipta um ryksugupoka og koma henni fyrir á sínum stað. Er alveg uppgefin eftir þetta erfiða verk.

Herbergið er lítið, en með afar góðu útsýni. Ég verð að taka mynd fljótlega og setja hér inn.

En annars hef ég lítið að segja. Ren á afmæli í dag og hann ætlar að elda fyrir 35 manns í kvöld. Brjálæðingur.

Ég ætla að búa til eftirréttinn. Bilun.

Veðrið er fallegt og vor í lofti. Um helgina bjó ég til módel af Kárahnjúkasvæðinu. Einn millimetri er 25 metrar. Skalinn er rosalegur. Önnur bilun. En gaman.

Hafið það gott.

Norðfirðingar og náungakærleikur

2008-02-12T21:24:00.000+01:00

Mig langar að benda mínum örfáu lesendum á grein sem birtist í Austurglugganum í vikunni. Þar er fjallað um yngstu systur Grétu minnar, hana Möttu, sem greindist með sjaldgæfan lifrarsjúkdóm í október síðastliðnum. Hún var send til Danmerkur akút og foreldrar hennar hafa verið með henni á sjúkrahúsi í Kaupmannahöfn síðan. Hún fór í lifrarskipti og síðan þá hefur ýmislegt bjátað á og sem stendur bíður Matta eftir nýrri lifur fyrir aðra aðgerð. Ég fylgist með þeim daglega og hrýs hugur við því hversu erfiðlega þetta virðst vera að ganga á stundum.

Norðfirðinar standa fyrir styrktar- og uppbyggingarkvöldi á fimmtudaginn næstkomandi. Einnig er bent á söfnunarreikning til handa þeim fjölskyldunni vegna langar fjarveru frá vinnu og útgjalda tengdum veru þeirra í Kaupmannahöfn.

Það er erfitt að biðja um hjálp, og auðvitað er hjálpin sem þau vantar sú að Matta fái heilsu aftur. En ég held að peningaáhyggjur hjálpi ekki í bataferlinu og bið því ykkur sem getið séð af aur leggið þeim lið. Margt smátt gerir eitt stórt. Sýnum samhug.

Banki 1106-26-1532
Kt. 020756-2339

Lesa má skrif Möttu, foreldra hennar og systra á þessu bloggi.

Takk.

bömmer

2008-02-11T12:40:00.000+01:00

já...

það fæddust engir kettlingar.

á föstudag fyrir rúmri viku hringi Ragnhildur undrasystir og sagði mér að kisa hefði verið með hríðir um nóttina. hún hefði fætt eitthvað sem var lítið og ekki hægt að bera kennsl á. seinna um daginn endurtók hún leikinn tvisvar.
svo var farið með hana á dýraspítala og það var niðurstaða læknis að kettlingarnir hefðu látist fyrir einhverjum vikum síðan og þetta væru leifarnar sem kisa væri að losa sig við.

þar sem kisur hafa ekki tíðahring þá getur hún ekki losað sig við fóstrin fyrr en í lok áætlaðrar meðgöngu. fæðingin var á réttum tíma og þetta voru þrjú fóstur eins og mig hafði dreymt. kannski hefði ég átt að sjá þetta fyrir því í draumnum voru kettlingarnir ekki eðlilegir.

já, svolítið sorglegt alltsaman. en kisumús er heilbrigð þannig að það er fyrir mestu.

þennan dag var ég að pakka öllu úr herberginu og flytja það á ganginn. þennan dag kom ren og hjálpaði mér, en hann ákvað upp úr þurru að hringja heim til malasíu. fannst hann þurfa að hringja heim. hann komst þá að því að hundnum hans hefði verið stolið. pabbi rens var að ganga með hundinn úti, hundurinn var laus. maður kom á mótorhjóli og tók hundinn og ók í burtu. ótrúlegt. ÓTRÚLEGT!!! ég fatta ekki svona. hundurinn er enn ekki kominn tilbaka, og ekki líklegt að það gerist. það eru allir niðurbrotnir, því hann var þvílíkur gullmoli sem öll fjölskyldan sá sem hluta af lífi sínu.

við ren vorum því í gæludýrasorgarferli á föstudag. já já, bara gæludýr segja sumir. en það er líka fólk sem hefur ekki tengst gæludýrum sjálft.

morguninn eftir fór ég til Manchester og var þar í viku með bekknum mínum. mjög góð ferð, lærði slatta og sá skemmtilegar byggingar. en það var líka gott að koma tilbaka. þó ég eigi ekki herbergi. ég held ég hafi aldrei í lífi mínu hlakkað eins mikið til að það kæmi mánudagur og ég gæti farið í skólann. þar sem ég hef mitt borð, mína tölvu og minn bolla. allt mitt hafurtask er á ganginum í húsinu og ég sef á lítilli dýnu í herbergi sem er á daginn notað sem skrifstofa. ekki rosalega kósí, en ég vona að ég haldi minni litlu geðheilsu þar til ég fæ mitt herbergi. allir eru mjög hjálplegir samt, og sérstaklega Lína mín, sem hýsti mig eina nótt og leyfir mér að hanga á sófanum hennar :)

þetta verður samt allt í góðu lagi.

nú er bara harkan sex. back to work.

ciao!

feðraorlof

2008-01-29T22:47:00.000+01:00

kannski er þessi fallegi kisi að verða pabbi á næstu dögum? Hann er allavega einn af kandídötum, því kisa var ekki svo pikkí fyrir 60 dögum síðan þegar hún þurfti að fá sinn skammt. það var víst allsvakalegt að sjá hana. brennt inn í minni ragnhildar.

hér má sjá hana mæla hann út... stuttu síðar skilst mér að hún hafi stokkið á hann ( já rúna mín, skottið beint upp í loftið)

hér má sjá skottuna okkar að athuga hvort það sé ekki allt í orden þarna uppi á stokknum í horninu.

Annars á hún samkvæmt okkar mjög svo vísindalegu útreikningum að vera komin á steypirinn hvað úr hverju. ég spái komu þriggja lítilla kríla. Sjáum til. Mér finnst mjög áhugavert að pabbarnir geta verið jafnmargir og krílin. Það gæti því verið litríkur kettlingahópur á leiðinni í heiminn.

Ég er ekkert spennt.

nei nei.

jemundur

2008-01-24T15:52:00.000+01:00

Mikið hefði verið gaman að vera stödd á áheyrnarpöllum Ráðhúss Reykjavíkur nú í hádeginu. Hanna Birna lemjandi bjölluna eins og óð manneskja til að reyna að hemja skarann sem er misboðið vegna ótrúlegra vinnubragða borgarfulltrúa.

Hefði verið stuð.

Tek undir með þeim.

"Hættið við!"

Gufan rokkar

2008-01-20T22:01:00.000+01:00

Ég verð að benda fólki á uppáhaldsútvarpsþáttinn minn, en það er þátturinn Krossgötur með Hjálmari Sveinssyni á Rás eitt á laugardögum.

Vel gerðir þættir um málefni líðandi stundar en oftar en ekki er hann að rannsaka skipulags- og byggingarmál og gerir það mjög vel.

Hann spyr spurninga eins og af hverju annars góðu deiliskipulagi sé ekki fylgt til enda við afgreiðslu mála í borginni. Það hefur sýnt sig að skipulagsráð Reykjavíkurborgar bugtar sig og beygir fyrir fjársterkum aðilum er vilja byggja stærra og hærra en gildandi deiliskipulag gerir ráð fyrir. Það gera þeir þrátt fyrir að til séu gögn sem eru unnin af fagfólki sem það gæti auðveldlega, og á örugglega samkvæmt lögum, að hlýða. Vert er að benda aðilum beggja megin borðsins á það og því er öll svona umræða af hinu góða. Bæði til að minna stjórnmálamanninn á fyrir hvern hann er að vinna og einnig fyrir leikmenn og íbúa borginnar að átta sig á þeim gögnum sem fyrir liggja sem gætu aðstoðað þá við að berjast fyrir rétti sínum.

Í þættinum í gær kom gatan mín við sögu og er það vel. Er sammála viðmælandanum og nágrannakonu minni í Meðalholti að uppbyggingin á reitnum Einholt/Þverholt var þörf og fæstir íbúar sem eru gagngert á móti henni, en það er aðallega byggingarmagnið sem fer úr öllu jafnvægi við þá byggð sem fyrir er og þar með rýrir gæði þeirra sem hafa fest eign á húsnæði í þessu annars fína hverfi Reykjavíkur. Hún var ekki bara að kvarta yfir þeim 5-6 sprenginum sem hrista upp í eldhússkápunum hennar sex daga vikunnar, afleiðing yfirstandandi byggingar bílakjallara á reitnum. Þegar mótmæli vegna skipulagsins komu fram var okkur íbúum bent á að við ættum ekki að kvarta mikið þar sem fyrstu drög gerðu ráð fyrir sextán hæða húsum! Því ættu 5-8 hæðir ekki að angra okkur svo mikið.

Gögn um yfirstandandi uppbyggingu má finna á skipulagssjánni, en þar fann ég uppdráttinn af svæðinu og ákvað að klippa úr honum bút af sneiðingu.

Það verður æði þegar fleiri hundruð manns flytja í götuna. Höldum grillpartý. Gott mál að ég er orðin nokkuð andstæð einkabílnum og mun því vonandi sjaldan þurfa að finna bílastæði í götunni. En ég mun örugglega heldur ekki fá heimsókn frá dreifbýlisfólkinu vinum mínum og ættingjum. Það gæti þó orðið möguleiki ef þessi fyrrnefndur bílakjallari verður opinn öllum.

Nú sit ég og hlusta á þáttinn Orð skulu standa, jú einnig á Rás eitt, meðan ég rembist við hæðarlínur af Kárahnjúkasvæðinu. Reeeeeeeeeembingur. En samt gaman.

Reyka Vodka

2008-01-17T21:39:00.000+01:00

Hér talar fólk varla um annað en auglýsingarnar um Reyka Vodka. Ég fór að vera forvitin og YouTubaði þær því. Ansi hreint skemmtilegar auglýsingar með Hafdísi Huld og íslenskum kjánaskap. Leggst að minnsta kosti vel í Hollendingana.

Kijk!

fremur fyndinn kórsöngur...

2008-01-10T23:36:00.001+01:00

Jólajólajóla

2007-12-25T03:01:00.000+01:00

Það fór eitthvað lítið fyrir jólakortaskrifum þetta árið. Þetta er ódýr uppbót.

en...

ég óska ykkur gleðilegrar jólahátíðar og vona að þið njótið þessa daga í faðmi vina og eða ættingja.

ég er eins og blóm í eggi hérna heima hjá mér, södd og sælleg.

ljúft

enn og aftur...

2007-12-17T14:58:00.000+01:00

...hlakka ég til að koma heim til Íslands í hlýjuna. Sit hér í skólanum dúðuð í húfu, vettlinga og trefil sem gerir það ótrúlegt að ég sé yfirhöfuð fær um að rita á lyklaborð þetta. Hér er ótrúlega kalt, allir að krókna og eins og sjá má á hitatölum þá er talsverður kuldi hér þessa dagana. Hef aldrei upplifað annað eins held ég. En ekkert sem bolli af heitu kakói bjargar ekki. Og ullarsokkar.

Man with big mouth

2007-12-17T03:05:00.001+01:00

og í anda síðasta myndbands sýni ég ykkur þetta hér.

Man licks his face

2007-12-16T17:19:00.001+01:00

Þetta er óhugnarlegt...

svalt

2007-12-14T01:49:00.000+01:00

ok. ég veit ég má ekki kvarta mikið. ekki meðan Ísland er að fjúka í burtu með öllum trampólínunum og þakplötunum.

EN.

það er ÓGEÐSLEGA kalt í Hollandi núna. mínus tvær segir google. en það er rakt stillt loft sem þýðir að kuldinn smýgur um allt.

Nú er ég svo heppin að búa í vel einangruðu og upphituðu húsi, annað en á síðasta ári. en svei mér þá ef að lopapeysan verður ekki notuð í kvöld. ég er að krókna hérna.

brrrr og glamr í tönnum

Kveikt á Óslóartrénu

2007-12-12T15:56:00.001+01:00

Lína eldaði grjónagraut...

...sem þau borðuðu með bestu lyst og ég líka.

ég borðaði líka þennan súkkulaðistaf. Bara vegna þess að ég finn ALDREI minn staf! Nema núna.

og við kíktum á jólamarkaðinn og duttum í jólaglöggið...

Það var ljósahátíð í Delft. Kveikt á Óslóarjólatrénu og kirkjunni.

nei... veit ekkert hvaðan þetta tré kemur. En það er ljóst að jólaljósin í ár eru blá! Það voru þau líka í Brussel um daginn. Sjá myndir.

Der Spiegel

2007-12-10T15:45:00.001+01:00

Ég hef löngum verið óánægð með sjálfa mig á myndum. Lengi hélt ég að ég væri með svona rosalega lítið sjálfsálit og gæti hreinlega ekki séð mig á mynd án þess að sjálfsgagnrýnin færi í yfirdrif.

Fyrir nokkrum árum uppgötvaði ég ástæðuna fyrir þessu og reyni að benda fólki á þetta sem er að sama skapi óánægt með myndir af sér.

Við erum nefnilega þeim kostum gædd að vera ósamhverf. Flest okkar lítum ekki eins út vinstra megin og hægra megin í andlitinu. Annað augað er stærra, nefið sveigist til hliðar, munnvikið lafir og eyrað er stærra o.s.frv. Þar sem við þekkjum spegilmynd okkar miklu betur en ljósmynduðu raun-mynd okkar þá virðist okkur (eða mér að minnsta kosti) við vera skrýtin, snúin og á skjön á öllum ljósmyndum. Ég þekki stelpu sem heitir Anu, en þið þekki hana sem Una. Ég legg til að öllum speglum verði breytt og að maður muni sjá hina raunverulegu mynd sína. Það væri allavega fínt að maður þekkti sjálfan sig, eins og maður lítur út í raun.

Svona þekkið þið mig...

... sem er gerólík þeirri mynd sem ég hef af mér.

Að sjálfsögðu finnst mér neðri myndin miklu betri. Á hinni er einhver afbökun í gangi. Ég kannast við mig, en þetta er þó ekki ég.

Það er alltaf hægt að notast við Photoshop og önnur myndvinnsluforrit til að athuga hvort að þetta sé sannarleg mynd af manni sjálfum, og hvort maður sé ánægðari með myndina ef maður speglar henni.

Ég veit ekki hvort ég mun nokkurn tímann læra að þekkja hina raunverulegu mynd af mér. Alltaf finnst mér ég jafnskrýtin, en ég er þó orðin meðvituð um þetta og hætt að agnúast eins mikið út í sjálfa mig fyrir að vera kjánaleg á myndum alltaf hreint.

flugtímar

2007-11-26T14:57:00.000+01:00

já, tíminn flýgur...

Ragnhildur undrasystir komin og farin. Ég held að það hafi ekki verið tekin ein mynd af því tilefni. Sem er leitt. En þetta er í þriðja sinn sem hún kemur og heimsækir mig þessi elska, maður er bara orðinn góðu vanur og hættur að taka þessu sem þeim sérstaka viðburði sem það er í raun og veru. Það er alveg sérstakur viðburður þegar maður eyðir tíma með sínum nánustu. Ég kann vel að meta þann tíma. Og þessi heimsókn var engu síðri en hinar. Við borðuðum gott, versluðum gott, horfðum á gott, hlógum, leiddumst, fífluðumst, drukkum, sváfum og margt fleira. Hún fór einn dag til Rotterdam á listasöfn með Ren og Gosiu á meðan ég lærði. Hitti þau svo í mat um kvöldið. Svo skruppum við til Amsterdam þar sem Janneke nýja vinkona mín sýndi okkur skemmtilega staði þar. Borðuðum hollenskan mat í boði Rúnu og Adriaan. Fórum til Haag í bíó og versla. Og að sjálfsögðu þarf ég alltaf að vera með samlætisverslunarpoka. Annars er maður allur skakkur að sjá. Jú og svo þurftum við að versla nokkrar jólagjafir.

En svo fór hún bara :(

Um helgina var menningarhátíð hér í Rotterdam sem heitir Reykjavik to Rotterdam. Fórum að sjá Heima myndina þeirra Sigurrósar manna. Rosalega falleg og skemmtileg mynd. Svo fyrst við vorum komin til Rotterdam þá fórum við líka á tónleika með Seabear hljómsveitinni íslensku. Það var gaman. Svo var alveg sérstaklega gaman að brennivínið var í boði Samskipa. Það flaut um allt og við vorum nýttar í framburð á brennivíni. B-R-E-N-N-I-V-Í-N. Hollendingarnir voru já forvitnir um framburð og smökkun á þessum helga drykk okkar. Anís og kúmen já. Það var verra þegar þeir kröfðust þess að maður tæki sko þeim til samlætis....

Næstu helgi ætlum við nokkrar saman að fara í helgarferð til Brussel.
Nú er bara harkan sex! Dagarnir fljúga og margt eftir að gera. Ég kem heim 20. des og verð til 8. jan. Ég þarf að vera dugleg að vinna líka í verkefninu. Ætla að reyna að fá inni hjá pabba á skrifstofunni. Vinna þar á daginn.

Þessa dagana er ég búin að vera að rembast við að fá hæðarlínur af svæðinu mínu á Kárahnjúkum (þar sem lokaverkefnið mitt er) af hinum ýmsu stofnunum. Það hefur ekki gengið vel og því er ég að teikna þetta allt sjálf. Landmælingar Íslands vildu selja mér þær fyrir rúmlega þrjúhundruð þúsund krónur!!! Hvað í fjandanum á það að þýða??? En þetta reddast. Hér má sjá sýnishorn af því sem ég er bissí við þessa dagana. Verk í vinnslu.

Hvernig segir maður náttúrminjar og friðlýst svæði á ensku?

Annars er lítið í fréttum. Hvað segið þið??? Hvernig er í lífinu ykkar? Segið mér sögur. Plís.

Rokkari!

2007-11-11T18:58:00.000+01:00

Páfagaukur sem rokkar! Yyyyyndislegt!

Katrín mín litla

2007-11-11T16:10:00.000+01:00

Hún er komin og farin, hún Katrín mín. Skrapp til mín í helgarferð. Það var alveg indælt fyrir utan að heilsan var eitthvað að hrjá okkur báðar. Ekki skemmtileg tímasetning fyrir heilsubresti. En þó náðum við að sjá og gera eitthvað. Versluðum aðeins á föstudaginn og fórum á afrískan veitingastað um kvöldið með nokkrum Íslendingum og tveimur Hollendinum. Jafngóður matur þar og síðast þegar ég fór. Klikkar ekki. Magn af bjór innbyrtum um kvöldið var örlítið of mikið. Við (ég) bárum þess að minnsta kosti merki á laugardagsmorgninum...

En til Haag komust við þó og byrjuðum á stórskemmtilegu Escher safninu. Þessi listamaður var snillingur bæði í hugsun og handverki. Frábær sýning, "verður-að-sjá" (must see).

Það var þó ótrúlegt hvað hún Katrín litla var lítil þarna inni...

...og greinilegt að ég er búin að vera dugleg að taka lýsið mitt undanfarið!

Svo var haldið í verslanir og spreðað smáááá.
Svo fór hún bara í morgun. Stutt og laggott.

En nú á ég grænar Ora baunir! Við ætlum að borða hangikjetið hennar Rúnu einhverntímann á næstunni. Namm hlakka til.

B-E-A-utiful

2007-11-07T00:08:00.000+01:00

Partýið var sveitt! Rosa stuð langt fram á morgun. Sumir hressari en aðrir samt. Mér láðist að taka myndir í partýinu, tók tvær áður en gestir mættu:

Móttökuskiltið

Verndarstyttan

Fólk komið í sitt fínasta púss

Don't mess with my wings !

Svetlana og Ronenskia

Fleiri myndir má sjá hér og hér

klikkað hús

2007-10-31T23:04:00.000+01:00

ég bý í klikkuðu húsi. Ef hús geta verið klikkuð. Þá á ég við íbúana. Það er árlegur viðburður að haldið sé húspartý. Huisfestið mikla. Það verður á laugardaginn. Það er búið að vera að skipuleggja þetta í margar vikur, og nú er skreytingavélin á fullu. Til dæmis er búið að sauma helling af fánum. Þemað er nefnilega Baghaynia, þ.e. að húsið sé "land".
Gestir partýsins verða því sérstakir þjóðhátíðargestir. Það er búið að búa til heimasíðu og panta hljómsveitir og dj'a og vj'a og hvers konar j'a sem manni getur dottið í hug. Það er búið að prenta boðskort og leigja hljóðkerfi og ljósakerfi. Það er búið að panta atvinnu útkastara. Lögreglan og slökkviliðið eru með í leiknum. Búið að panta þrjú þartilgerð exit ljósaskilti sem eru viðeigandi í svona stórum partýum. Það er búið að panta bjórvélarnar og barina. Við erum að þvo öll viskastykkin í heiminum í kvöld svo að við getum þurrkað upp bjórinn af börunum á laugardaginn. Ég vona að eitthvað af bjórnum rati ofan í minn maga. Ég verð nefnilega barþjónn í tvo klukkutíma samfleytt og á meðan má ég drekka að vild! Öss, þetta verður svakalegt!

MyndbandÞó þið nennið ekki að horfa á allt myndbandið, mæli ég samt með síðustu mínútunni.
Heimasíða Baghaynia

Myndin efst er af holinu þar sem mesta smíðavinnan fer fram. Styttan góða og checkpointið þar sem passar gesta verða tékkaðir. Klikkun!

tíminn flýgur afturábak

2007-10-28T13:58:00.000+01:00

ég hélt ég hefði vaknað klukkan eitt, en ég vaknaði klukkan tólf, þökk sé vetrartímanum sem gaf mér einn klukkutíma extra í nótt. I like it!

þynnka í tólfta veldi

2007-10-21T20:52:00.000+02:00

gærdagurinn var ekki mjög viðburðaríkur. eftir ferð á barinn á föstudagskvöldið hef ég komist að þeirri vísindalegu niðurstöðu að bjór á ekki að vera framleiddur í 10 prósent styrkleika. það er fáránlegt að verða spinnegal af 2-3 bjórum! núna er það grjónagrautur og mjólk. góðar stundir.

Sykurvíma

2007-10-17T00:56:00.000+02:00

Jemundur minn! Ég var búin að gleyma hvað sykur high getur varað lengi... Í kvöld kom til mín pakki fullur af íslensku nammi. Sem betur fer voru Rúna, Árni og Lína stödd í heimsókn því annars gæti ég eflaust ekki setið á þessum stól í þessum skrifuðu orðum. Ragnhildur undrasystir var svo góð að senda mér allar mögulegar gerðir af súkkulaði, lakkrís og súkkulaðihúðuðum lakkrís og fylltum lakkrís. Herre Gud. Takk músin mín.

Hér eru verksummerkin. Á morgun má svo sjá afleiðingarnar þegar ég reyni að troða mér í gallabuxurnar...

flutti í dag...

2007-10-13T20:58:00.000+02:00

allt mitt hollenska hafurtask. Heil 23 skref!

fljúgandi furðuhlutir

2007-10-02T00:54:00.001+02:00

Já, þetta sveif yfir Delft þegar ég hjólaði heim úr skólanum í kvöld. Héðan í frá birtist mynd af fljúgandi farartækjum í hverri færslu.

En að öðrum furðuhlutum þá ákvað þessi stelpa

að það væri kominn tími á að giftast kallinum sínum um daginn. Til hamingju Katrín og Sæmi!

B-O-B-A BOMBA!!!

2007-09-23T19:56:00.000+02:00

Bubbi flottur!!!

Það er byrjað að rífa innan úr húsinu sem við bjuggum í. Það er í raun allt í rúst þar. Allt bara skafið innan úr húsinu og lítið eftir annað en berir veggir. Þar á meðal voru nokkrir skorsteinar fjarlægðir. Eigandi hússins sagði strákunum Ren og Hendrik frá því einn morguninn að daginn áður hefðu þeir fundið sprengju í einum skorsteininum. SPRENGJU!!! Þeir fundu sprengju frá seinni heimsstyrjöldinni í skorsteini. Svæðið var lokað af, sprengjusveitin mætti á svæðið og aftengdi eða fjarlægði sprengjuna.

Ég svaf við hliðina á sprengju í heilt ár! Ef þetta er ekki til að gera mann taugaóstyrkan aftur í tímann veit ég ekki hvað. Við vorum oft uppi á þaki að henda litlum steinum niður um strompana. Hvað ef þeir hefðu vakið sprengjuna af værum svefni... Ég reyndar skil ekki hvernig hún komst þangað. Voru Þjóðverjar að varpa sprengjum úr flugvélum og þessi rataði bara niður í skorstein og sprakk ekki??? Eða var einhver að fela þessa sprengju eftir að stríðinu lauk? Me not fatt.

Já, það er sko engin lognmolla hér í Delft.

Fjórir Fimmsson er þrjátíu og fimmára

2007-09-20T16:47:00.000+02:00

Fjórir Fimmsson a.k.a. Þórir Finnsson á afmæli í dag.

Til hamingju með daginn stóri bróðir! Skála fyrir þér í kvöld.

mAmmæli

2007-09-18T14:55:00.000+02:00

Hún er sextug í dag hún mamma. Það er bara alveg ótrúlegt að þessi sæta kona sé sextug! Það bara passar ekki. En þetta segir dagatalið og það lýgur ekki. Ég veit hún trúir því ekki sjálf.

Á þessari stundu nýtur hún dagsins með Einari, Valgerði og ömmu sem varð 85 ára í sumar.

Reykjavíkur-Ragnhildur, Kópavogsgengið og Garðabæjarstóðið voru með þeim í bústað um helgina. DelftUnan hringdi bara til að vera memm.

Mamma er mjög góð mamma.
Til hamingju með daginn elsku mamma mín.

Minniháttar lánastarfsemi

2007-09-18T00:25:00.000+02:00

Var að enda við að skrá mig sem meðlim í Kiva
sem eru non-profit samtök. Þau eru milliliður milli okkar sem eigum einhvern pening, og þeirra sem eiga mjög litla peninga og vilja slá lán hjá okkur.

Ég lánaði honum John Ebuchi í Nígeríu. Hann lærði húsgagnasmíði og vantar lán til að kaupa efni og koma fyrirtækinu á réttan kjöl. Ég lánaði honum 25 dollara. Það gera 1.633 krónur. Hann er búinn að lofa mér að borga lánið eftir 8 mánuði. Þó vantar hann enn 125 $, þannig að ef að ÞÚ vilt leggja honum lið mæli ég með að þú færir bendilinn á borðann hér til hliðar á síðunni.

Margt smátt gerir eitt stórt.

Just do it!

bæ bæ Bing

2007-09-17T00:20:00.001+02:00

Eftir kveðjupartý gærkvöldsins mættu 7 þreyttir vinir á lestarstöðina í Delft eldsnemma í morgun. Bing flaug heim til Singapúr í dag :(

duggadugg

2007-09-11T14:50:00.000+02:00

Fór með nýja bekknum mínum í siglingu um helgina. Fórum að vatni við De Kaag, þar sem við leigðum fjóra seglbáta. Vorum í tvo daga að sigla um vatnið, borða, drekka og sofa í bátum. Það var mjög gaman og myndirnar má sjá hér.

Í lok ferðarinnar í einu af mörgum matar og drykkjarstoppum þá gekk ég fram á þessi fínu hjón að fá sér síðdegiskríu.

Hafið þið séð það krúttlegra???

Köben var líka mjög skemmtileg, það má líka sjá myndir þaðan á myndasíðunni. Hitti Rósu og Nils og Medúnu, fyrir utan að hafa það ofurgott með Ragnhildi og mömmu og Einari. Súpernæs.

Nú er skólinn byrjaður og mér líst bara mjög vel á það. Er svona að koma mér í gang. Bý í herberginu hennar Rúnu og það lítur út fyrir að það verði inntökufundur fyrir þá sem sækja um að fá herbergi í þessu húsi þann 25. september. Doldið stressuð fyrir það... en sjáum til.

Fór á gríðarskemmtilegt djamm um daginn með fullt af Íslendingum. Fórum á útitónleika í Haag, sáum meðal annars Pink. Mjög skemmtilegt kvöld og hitti fullt af nýju fólki. Þetta sama fólk ásamt enn fleiri Íslendingum og hollenskum viðhengjum þeirra ætlum að borða saman þríréttað hér í húsinu á föstudaginn. Rúna og Árni eru búin að vera að skipuleggja þetta dögum saman. Lítur út fyrir að verða skemmtilegt gill.

Og já, lét undan þrýstingi og skráði andlitið mitt á Facebook.com. Ef einhverjir lesendur eru þar megið þið hafa uppi á mér. Sanka að mér vinum í gríð og erg. erg er skemmtilegt orð.

Góðar stundir.

Holland enn og aftur

2007-08-23T00:42:00.000+02:00

Já, komin aftur í flatlendið. Komin í nýtt herbergi sem er tímabundið mitt, en verður vonandi mitt til frambúðar eftir að húsfélagarnir 40 velja manneskju í herbergið. Líður mjög vel hérna, og er búin að koma mér ágætlega fyrir.

Átti yndislegt sumar á Íslandi, hafði það gott, ferðaðist víða og hitti rosalega marga finnst mér. Yndislegt. Takk fyrir mig allir sem áttu sinn þátt í að láta kílóin hlaðast á mig. Það var alveg þess virði :) Góður matur hvar sem ég fór.

Búin að setja grasilljón myndir inn á Picasa síðuna, kíkið á það sem ég var að bardúsa í sumar.

Nú þarf ég að pakka því eftir 5 klukkutíma á ég að vakna til að fara í flug til Köben, þar sem ég mun hitta mömmu, Einar og Ragnhildi. Þar ætlum við að vera í sommerferie í eina viku. Svoooooo byrjar skólinn.

Har det bra!

Tvær myndir af börnunum mínum Finni Arnóri, Baldri, Arndísi Þóru og Sif. Hefði ekki getað átt betri börn þótt ég hefði búið þau til sjálf!

komin og farin

2007-07-23T02:28:00.000+02:00

Það er brjálað að gera. Ferðalög á ferðalög ofan. Var að koma þaðan og er að fara þangað með þessari og þessum

túdílúúú

bikini, brúnkukrem og bjór

2007-07-11T23:02:00.000+02:00

Nú styttist í sólarlandaferðina mína þetta árið. Förinni heitið til mjög svo exótískrar eyju. Þar eru innfæddir afar brúnir á hörund og því þori ég ekki annað en fara í ljós og bera á mig brúnkukrem áður en ég legg í hann. Vona að ég brenni ekki þarna. Sólarvörn er líka komin á innkaupalistann.

Núna í dag keypti ég mér bikini, hlakka til að fara og flatmaga í sólinni þarna og fá mér bjór. Hér í Hollandi er bara búið að rigna og rigna og rigna og rigna og rigna.
Ég bið nú bænirnar til veðurguðanna öll kvöld, til að veðrið haldist í sólarástandi og ég komi ekki með rigninguna með mér.

Ég hlakka mikið til að fara, veit ekki hvort ég næ að tjá mig á máli innfæddra. Hef heyrt þeir tala mikið um veðrið og sólina, drykkja er víst frekar mikil þar og matarmenning spes.

Ó já, Ísland á sunnudaginn!!!

"í musteri öfganna"

2007-07-09T03:49:00.000+02:00

Vil bara benda þessum örfáu lesendum mínum á stórskemmtilegar lýsingar Guðrúnar Birnu systur minnar og heimsborgara frá Indlandi þar sem hún er stödd þessa dagana vegna vinnu sinnar. Eftir að ég las Viltu vinna Milljarð um daginn er ég orðin mjög forvitin um þetta land og hlakka mikið til að koma þangað sjálf. Þangað til les ég skemmtilegar frásagnir Gu.

Helgin annars alveg frábær. Bing og Jorge voru að kynna lokaverkefnin sín á föstudaginn, ásamt fleirum sem ég þekki. Um kvöldið var svo slegið til heljarinnar veislu sem var haldin í leikhúsi hér í bæ. Öll umgjörðin, fólkið sem vann þar, props hlutirnir, tónlistin... allt var þetta eins og í David Lynch kvikmynd. Frekar súrrelaískt en frábært. Dj Herman sá um stuðið fram á nótt eftir að Dj Spaceman hætti með x-files tónlistina sína.

Ég er núna þekkt sem Macarena... því jú, maður skellti sér í danskennaraskóna, því enginn virtist muna hvernig þessar handahreyfingar voru. Það sem gerði þetta spes var að lagið var í hinum mesta techno beat sem ég hef heyrt og því kom ég með mína túlkun á þessu. Úr varð dans sem varð til þess að allir aðrir hættu að dansa. Stóðu bara í kring um þessa furðulegu íslensku konu sem hristist um á gólfinu, meðan það þreifaði um í veskjum og vösum eftir myndavélum og hugsaði sér gott til glóðarinnar þegar hin mörgþúsund andlit út um allan heim myndu kætast yfir áhorfinu á myndbandinu á YouTube. Mér til mikillar mildi náðist atriðið ekki á minniskubb.

Laugardag kom svo HuiHua kærasta Bings til landsins frá Singapúr. Þau höfðu ekki sést í heilt ár. Miklir fagnaðarfundir. Mágur Jorge var líka í heimsókn frá Chile. Svo kom vinur hans frá Argentínu í heimsókn með rússneskri konu sinni og tveimur gullfallegum börnum í kaffi. Við kíktum í bæinn, á markaðinn, svo á Beesten Markt í bjór. Svo heim og upp á þak þar sem við lögðum okkur meðan Bing og HuiHua elduðu mat fyrir 16 manns, því Afer og Simone komu ásamt foreldrum Afer og systur hennar. Einnig voru tvær þýskar vinkonur okkar hér í mat. Eftir mat bauð ég upp á Brennivín og Tópas skot, sem Ítalir og Chile búar fíluðu í ræmur. Sátum og spjölluðum, hlógum og drukkum fram á nótt. Sagði sögur af sláturgerð og hákarla-og hrútspungaáti Íslendinga. Klikkar aldrei.
Sunnudagsmorgun var svo síðasti sameiginlegi brunch-inn okkar í húsinu. (Næstu helgi flyt ég dótið mitt í annað herbergi hér í bænum. Jorge og Carolina flytja til Rotterdam. Ren og Hendrik vita ekki enn hvar þeir verða en trúlega munu þeir búa áfram í húsinu í nokkrar vikur. Janita er búin að finna nýtt hús til að flytja í með öðru fólki sem hún þekkir.)
Í kvöld fór ég svo til Rotterdam ásamt Bing, HuiHua og Söndru á Bazar sem er veitingastaður sem býður upp á tyrkneskan mat. Mjög góður matur, sátum úti og borðuðum þar til fór að rigna, þá flúðum við inn og borðuðum turkish delight. ííííík, sætt. Fórum svo á bar, þar sem við fengum okkur bjór. Komum aftur til Delft og fórum á enn einn barinn og drukkum bjór með Taku, Gosiu og HuiPing.
Kom heim og upp í rúm, hálfdösuð eftir frábæra helgi.

Á morgun er fundur með söguritgerðar prófessornum mínum. Ég vona að ég verði búin að ná öllu þessu alkóhóli úr blóðinu. Ekki að ég hafi drukkið neitt ógurlegt magn af áfengi um helgina, bara svo langt síðan ég drakk eitthvað að ráði.

nótt nótt

p.s. Hamingjuóskir til Einars stjúpföður sem átti afmæli í dag/gær sunnudag.

Kæra Miriam

2007-07-05T13:15:00.000+02:00

Arkitektónískur díalógur

2007-07-02T15:57:00.000+02:00

5279

With sensitive respect for the human scale the introduction to brutalism presents extremely synergistic challenges to the creation of an immortal monument to posterity.

Með virðingu og næmni fyrir mannlegum skala koma kynni við brútalsima fram ákaflega samverkandi áskorunum gagnvart gerð ódauðlegra minnisvarða niðjanna.

Meikar sens ekki satt??? Prufið sjálf.

Skrafl á ísl(ensku)

2007-07-01T17:40:00.000+02:00

Enn eitt laugardagskvöldið. Hvað er betra að gera á laugardagskvöldi en að spila Scrabble. Einn galli var sá að spilið mitt er á íslensku. Þeir Ren og Bing vildu alls ekki leyfa mér að spila á íslensku og þeir á ensku. Þannig að við spiluðum á ensku. Með ekkert W, C eða Z. Þ breyttist í P (því það hentaði mér). Æ breyttist í A (því það lá vel við fyrir mig). Ý í Y, Í í I o.s.frv. Stórskemmtilegt og útkoman skondin. Þrátt fyrir þetta gríðarlega umfangsmikla svindl af minni hálfu skíttapaði ég. Manni hefnist...

Skemmtileg orð sem mynduðust voru ÐÁRN, GREÝ, GAMÉ (franskur leikur, vinsæll á veitingastöðum), UNÍONS, INÐEX, KÍÐ og fleiri og fleiri...

Mæli með þessu!

opið bréf til Ragnhildar

2007-06-29T18:46:00.000+02:00

já Ragnhildur, svona er þetta...

þar sem fólk er hvort eð er ekkert að lesa um okkur, þá getum við bara haft svona myspace fíling á síðunum okkar. Birt helminginn af samtölum. Þannig að ég tala við þig hér og þú svarar mér á þinni síðu ok?

Annars er ég bara komin í prýðisgott skap en þú? Föstudagur og svona... er að spá í hvað ég eigi að elda, einhverjar tillögur? Er að spá í grænmetislasagne.

Hafðu það gott mín kæra, og góða áfengislausa helgi :D

U

Ex-squeeze me? Baking powder?

2007-06-26T00:40:00.000+02:00

Afsakið...missti ég af einhverju? Er Alþjóðlegi Pirrings dagurinn í dag? Eða er ég með fyrirtíðaspennu á lokastigi?

Það sem heimurinn borðar

2007-06-21T14:20:00.001+02:00

Rakst á fræðandi og skemmtilega ljósmyndaseríu á vegum CNN Time. Mæli með þessu. Gaman að sjá muninn á fæðuinnihaldi hinna ýmsu þjóða og þjóðfélagshópa. Án þess að þekkja það vel þá held ég að fólkið í Chad og Ekvador sé hlutfallslega fátækara fólk en fólkið í hinum löndunum. Hefði haldið að ljósmyndari veldi meðalfjölskyldu í hverju landi. Veit það einhver? Eru þetta meðalfjölskyldur í Chad og Ekvador? Anyone?

Extras (Sir Ian McKellen)

2007-06-20T02:01:00.001+02:00

Me like very much.

Bleikur dagur, 19. júní

2007-06-19T12:47:00.001+02:00

Tökum hænuskref í átt að launajafnræði kynjanna, enn er langt í land.

Þýskaland á tveimur dögum

2007-06-17T19:17:00.001+02:00

Í vikunni fórum við húsfélagarnir og Gosia og Laurenz til Þýskalands. Ferðin hafði verið á áætlun lengi, en aldrei fannst góður tími. Núna ákváðum við bara að skella okkur. Laurenz bekkjarbróðir okkar bar hitann og þungann af skipulagningu ferðarinnar og svo gistum við heima hjá foreldrum hans í Krefeld. Eini skugginn yfir þessari ferðaáætlun var að Hendrik komst ekki með okkur, hann var fjarri okkar gamni en samt í góðu gamni í brúðkaupi vinar síns í Þýskalandi. Við ákváðum að það væri ótækt með öllu að við færum öll saman úr húsinu í ferðalag, án hans.

Þannig að við bjuggum til Pappírs-Hendrik sem fór með okkur í ferðalagið. Einn vakandi og einn sofandi. Báðir brosandi þó. Pappírs-Hendrik var uppspretta margra brandara og skemmtilegrar myndatöku. Við eigum enn eftir að segja Alvöru-Hendrik frá þessu. Hann kemur tilbaka í kvöld.

En ferðatilhögunin var þessi:
Miðvikudagsmorgunn.

Náðum í bílinn okkar. Glæsikerra blá að lit. Ókum til Duisburg. Sjá kort.

Landslagsgarðurinn í Duisburg-Nord var áfangastaðurinn.

Þar var lengi stálverksmiðja en nú er búið að breyta honum í landslagsgarð þar sem meirihlutinn af landslaginu er úr stáli og steypu. Trjám hefur verið bætt við og ýmislegt gert til að breyta ímynd staðarins úr niðurgrotnunarneikvæðni í uppbyggingarjákvæðni. Þarna er búið að útbúa köfunarstað í gömlum tanki. Klifurveggir á gömlum grunnstöplum. Pökkuðum nesti og borðuðum hádegismat í fínu veðri. Heldum svo áleiðis til...

...Essen
Þar sáum við fyrst nýja byggingu eftir Sanaa. Fórum inn og fengum aðeins að skoða okkur um.
The Zollverein School of Management and Design í Essen

en aðaláfangastaðurinn í Essen var Zollverein sem er gömul kolanáma og verksmiðja þar sem kol voru mótuð í neytendaumbúðir ef svo má segja.

Þessi verksmiðja er nú á heimsminjaskrá UNESCO. Rem okkar Koolhaas hefur átt hluta að máli því hann hannaði nýjan inngang í safnið, stiga niður í kolageymslunar og fleira. Við stálumst aðeins inn á bannsvæði, létum okkur reika um staði sem almenningi er ekki hleypt inn á. Komumst meðal annars inn í risa-reykháfinn og horfuðum upp í himininn sem virtist í órafjarlægð. Mjög svo spennandi staður sem er gaman að týnast í.

Því næst skruppum við inní miðbæ Essen og kíktum á Óperuhúsið eftir Alvar Aalto. Það var hannað 1958 en byggt 1988! Falleg bygging þó ég haldi að hún sé mun fallegri að innan en utan. Komumst því miður ekki inn.

Svo var haldið í mat heim til foreldra Laurenz sem tóku vel á móti okkur og stútfylltu okkur af mat og áfengi. Sátum úti í garði fram á nótt að spjalla og ég barðist hetjulega við moskító flugurnar. Varð þó undir í þeirri baráttu og tel nú um tuttugu bit. Stuð. Um morguninn tíndum við kirsuber af trjánum í garðinum og tókum með okkur í nesti. Það er bara eitthvað svo frábært að tína sér ávexti af trjám. Namm.

Lögðum svo í hann. Næsti áfangastaður var Haus Esters og Haus Lange í Krefeld sem voru byggð fyrir tvo yfirmenn textílverksmiðju. Hönnuðurinn var Mies van der Rohe. Ég hef reyndar komið þarna áður, en aldrei farið inn í húsin fyrr. Fengum mjög góða kynningu á húsunum og kíktum inn. Nú eru bæði húsin söfn í eigu borgarinnar. Þvínæst fórum við í textílverksmiðjuna þar sem við fengum kynningu á þýsku, þannig að við reiddum okkur á þýðingar Laurenz. Verksmiðjan er nýuppgerð og búið að setja upp sýningu um Mies og gaurana sem hann hannaði húsin fyrir. Teikningar og ljósmyndir frá fyrri tímum vörpuðu ljósi á umhverfið í kringum seinna stríð.

Því næst fórum við til Düsseldorf þar sem við röltum um borgina og vorum bara venjulegir túristar. Versluðum smá, fengum okkur kaffi og bjór og slökuðum á. Brunuðum svo heim á leið á fimmtudagskvöldi og vorum komin heim til Delft á miðnætti.

Rosalega fín ferð, vel skipulögð í góðum félagsskap, tvívíðum sem þrívíðum félagsskap.

Fleiri myndir í myndaalbúminu.

Gu Birna

2007-06-17T19:13:00.000+02:00

Guðrún Birna komin og farin. Áttum nokkra góða daga saman í Delft, Amsterdam og Haag. Komumst yfir flest allt á to-do listanum frá því í síðasta bloggi. Versluðum óvenju mikið, sem er bara gaman. Guðrún labbaði um Memory Lane í Amsterdam, mjög gaman að sjá borgina með hennar augum.

Skoðuðum kirkjurnar í Delft síðasta daginn hennar hér. Fyrst þá nýju og svo þá gömlu, sem er með ótrúlega hallandi turni. Var að fara inn í hana í fyrsta sinn og verð að segja að hún er miklu fallegri en sú nýja sem er þó mörghundruð ára gömul.

á morgun...

2007-06-07T14:42:00.001+02:00

...kemur eldri systir mín í heimsókn. Ég á orðið erfitt með að kalla þær stórar og litlar systur, þær Ragnhildi og Guðrúnu. Eldri og yngri virðist vera meira viðeigandi. En já, Guðrún Birna á leiðinni. Hefur ekki komið til Hollands síðan hún flutti héðan ásamt eiginmanni sínum aftur til Íslands eftir háskólanám. Það verður gaman að heyra hvað hefur breyst á þessum árum. Síðan þá hefur hún búið í Kaliforníu í 10 ár! Leitt að ég get lítið sýnt henni Hollendingana sjálfa þar sem ég þekki nærri enga. En ég get sýnt henni hvernig allra annarra þjóða kvikindi haga sér í Hollandi. Þá á ég við sambýlisfólk mitt.
Við ætlum:
á markaðinn
fá okkur patat speciaal

fá okkur vöfflu með karamellu
hjóla
fara til Amsterdam
ræða málin
basically vera systur í sama landi, sem gerist allt allt allt of sjaldan.

Þegar hún fer heim ætla ég að borða flatkökur með hangikjöti og skyr :D slúrp hlakka til.

Good times.

Fyrrum Fremont-fjölskyldan, nú Garðabæjarfjölskyldan. Við ströndina í San Diego sumarið 2004.

mjámjámjá

2007-06-03T01:14:00.001+02:00

Við Ragnhildur ætlum að reyna að verða óléttar... Kisumúsin okkar ætlar að ganga með börnin fyrir okkur. Vonandi verðum við komnar með yndislega kettlinga í haust. Við verðum svona kisukellingar, sem tala ekki við fólk, bara ketti. Mjá.

Gúgúl segir: "Heimsyfirráð eða dauði!"

2007-05-28T00:50:00.000+02:00

Já. Google á þennan netheim. Það er ljóst. Alltaf bætist við nýtt og nýtt dót sem maður verður að nota. Annars er maður ekki maður með mönnum. Ég er fyrir löngu orðin eftirá. Kann ekkert á þetta RSS dót til dæmis. En varð að setja hérna inn á bloggið nokkuð sem heitir Google Talk Gadgets. Google talk er þá komið inn í bloggið og ég get spjalla við fólk þar. Þ.e.a.s. ef það skráir sig inn.
Ef það skráir sig inn getur það séð broskallana sem ég geri ráð fyrir að eigi einnig eftir að fara inn í sjálft Google Talk forritið. Alla þessa broskalla vann hann Kári hennar Hjördísar. Héðan frá Delft! Töff. Mjög töff hjá Kára. Tékk it át...

Velkomin heim blóm

2007-05-23T15:41:00.000+02:00

Þessi fallegi rósavöndur beið mín þegar ég kom heim frá Stokkhólmi. Meiri dúllurnar þessir vinir mínir. Lífgar upp á herbergið og daginn. Mæli með því að fá blóm.

Dmitry Koldun - Work your magic (Belarus - Eurovision 2007)

2007-05-23T00:52:00.001+02:00

Fór á Slut seminar í Stokkhólmi

2007-05-19T19:22:00.000+02:00

Skrapp til Svíþjóðar á dræsunámskeið hjá Önnu Sóleyju. Vorum báðar að vinna að sama skjalinu í Vector Works, færðum það á milli oft á dag. Anna Sóley kallaði það "Slut-semiar", því hún talar jú sænsku og þetta er lokaverkefnið á lokaönninni. Ég hins vegar lifi í enskumælandi umhverfi og las þennan titil öðruvísi. Slut seminar. Skemmtilegt námskeið. Slutseminar1, slutseminar2...

Það var semsagt unnið í Spa-inu fína í Stykkishólmi. Þetta er lokaverkefnið hennar frá KTH skólanum. Ég verð sko fyrir vonbrigðum ef það verður ekki byrjað á að byggja þetta spa næst þegar ég kem þangað. Það á svo vel heima þarna. Þetta er skemmtilegt verkefni hjá henni og varð bara betra og betra með hverjum degi. Hún alveg galvösk til í að breyta hlutum og bæta, þótt stuttur tími væri til stefnu í lokaskil. Hressandi að koma og vinna svona fyrir annan en sig sjálfan. Maður þarf ekki að taka ábyrgðina einhvernveginn, og leyfir öllu hugmyndaflæði að fara af stað. Ég hlakka til að sjá svo lokaafurðina, teikningarnar og módelin sem ég veit að eru í bígerð. Svo verður það ein þreytt en sátt Anna Sóley sem ver verkefnið sitt í byrjun júní.

Þegar ég var ekki hlekkjuð við tölvuna fór ég niðrí bæ að skoða mig um. Einn dag fór um við Anna Sóley saman, kíkti í skólann hennar þar sem hún átti fund með kennaranum sínum. Fórum út að borða á japanskan stað. Sushi er og verður minn uppáhaldsmatur. Röltum um Gamla Stan og kíktum í búðir. H og M í Svíþjóð er gígantískt.
Stokkhólmur er falleg borg. Þar býr líka agalega mikið af fallegu fólki. Fallega fólkið er allt í fallegum fötum og með fallegt hár. Pleh.

En já, borgin stóð alveg fyrir sínu. Og Asplund var meistari. Það er ekki orðum ofaukið. Mæli alveg með Stokkhólmi, og næst þegar ég fer ætla ég að sjá Leverenz. Runsa er yndislega fallegt svæði sem myndi hæfa vel í fallegri bíómynd, og það var alveg frábært að vera hjá þeim ektahjónum Önnu Sóleyju og Dosta í heimsókn. Takk fyrir mig!

Ég var búin að djóka í Önnu Sóleyju að sem borgun fyrir að ég kæmi og ynni með henni að verkefninu hennar yrðu þau að gefa mér mat og drykk. Enda var ekki að því að spurja að það var fullur ísskápur af Grolsch bjór þegar ég mætti. Þau hafa tekið mig á orðinu. En fyrir utan bjórinn lifði ég á kavíar. Ekki slæmt. Ég gersamlega flippaði þegar ég sá kavíartúpuna í ísskápshurðinni og borðaði kavíar ofan á brauð í öll mál. Og milli mála líka. Tók með mér tvær túpur af Kalles kavíar og er búin að vera að kynna þennan snilldarmat fyrir sambýlingum mínum við misjafnar undirtektir. Það er bara fínt, þá fæ ég meira. Nú er ég samt búin að komast að því að hann fæst í IKEA. Þannig að næst þegar ég fer kaupi ég nokkrar túpur. Slúrp.

Já svo kom Eurovision, það var spennandi. (Hvíta-rússneska lagið að eilífu greipt í huga mér "work your magic! I never wanna lose this feeling, I am able and I'm willing, yes I'm willing!!!) Og alþingiskosningar, ennþá meira spennandi. Og ég komst að því að það er mjög þægilegt að sofa á sófanum þeirra. Svaf yfir kosningasjónvarpinu til kl. 9 um morguninn. Þá fór ég upp að sofa meira.

Myndir má sjá á myndasíðunni! Myndir2.

borgin í pano

Og já. Tölvan mín er ólæknandi. Það hefur Dosti sérlegur sérfræðingur í tölvuöryggi staðfest. Vélina þarf að strauja. Össössöss. Full af trójuhestum sem senda mig á miður skemmtilegar síður, án þess að ég viti það. Subbuskapurinn á þessu interneti!

Umræðuvettvangur um líffræðilega fjölbreytni mannsins

2007-04-03T19:37:00.000+02:00

smá forsaga...

Árið 2003 fór ég á sumarnámskeið arkitektaskóla í Evrópu, sem haldið var rétt utan við Árósa í Danmörku. Eyddi þar tveimur vikum í uppbyggingu húss úr hálmi, þar sem áherslan á þessu námskeiði var 'sustainability' eða sjálfbær arkitektúr. Skemmti mér vel og hitti margt áhugavert fólk. Í framhaldi af þessu námskeiði var sett upp heimasíða á netinu með upplýsingum um okkur sem vorum í nákvæmlega þessum hluta námskeiðsins, þ.e. byggingu þessa húss (það voru mörg önnur verkefni í gangi). Á þeirri síðu má sjá myndir af öllu fólkinu. Þar á meðal mér og stelpu sem ég kynnist vel frá Lettlandi, henni Beate.

en
semsagt

ég prófaði að googla mig. bara svona til að tékka :) rakst á nafnið mitt tengt síðu sem ég kannaðist ekkert við og ákvað því að athuga það nánar. Þá lenti ég á þessum spjallvef þar sem áhugafólk um þjóðfræðilegan uppruna hittist og giskar á uppruna fólks. Þarna eru semsagt settar inn myndir sem fólk finnur á netinu, og svo er giskað á það hvaðan myndefnið er ættað.
Ég er þar tekin sem dæmi og einnig vinkona mín hún Beate. Getið lesið um þetta þarna en greinilegt er að margir telja mig hafa latneska andlitsdrætti og virðist ég því eitthvað vefjast fyrir fólki. Einnig stelpan frá Finnlandi, sem mig minnir hafi verið af asísku bergi brotin.
Svo fer fólk að grafast fyrir um myndir af fólki frá Íslandi til að styðja sitt mál og farið inn á heimasíðu með myndum af íslenskum leikkonum til að sjá hvort ég líkist þeim eitthvað. En allavega er talað um að ég sé með 'robust costitution' eða 'stórbrotna líkamsbyggingu' ! Hann quarryman sem var upphafsmaður þessa spjallþráðs segir einnig: 'Among Icelandics (more often on tv than in real life, I admit), I have often noted the rounded features and snub-noses.' Semsagt rúnaða andlitsdrætti og snubbótt nef! (snub nose þýðir 'stutt eða flatt nef')

Það er skemmst frá því að segja að ég hef skemmt mér konunglega við lestur þessa spjallþráðs þar sem fólk úti í heimi spáir í uppruna minn. Flissa eins og smástelpa með flatt nef.

Þetta internet! Allt er nú til.

optical illusion

2007-03-30T18:11:00.000+02:00

allt á hreyfingu ekki satt?
skynvilla heitir það
endalaust skemmtilegt að skoða

Til hamingju með daginn Gréta!
(sko mína, ein að taka sig á í afmælisdagaminnugheitum)

Holland 2 - Ísland 0

2007-03-26T05:18:00.000+02:00

ég hef ekkert að blogga um

klukkunni var flýtt um eina klukkustund
eða seinkað?

ég allavega missti klukkutíma
ég leit út um gluggann
önnur kirkjuklukkan sýndi hálfeitt, hin hálftvö

það er tveggja tíma munur á íslandi og hollandi

vorið er alveg að koma, finn það á lyktinni

ég hef komist að því:
að ég man aldrei afmælisdaga
og að það er leiðinlegt að gera skattaskýrslur
og að það er hálft ísland að fermast um þessar mundir
og að orðabækur eru ekki vinsælar
og að ef maður hjólar ljóslaus í myrkri verður maður doldið hræddur
og að tölvan mín er smekkfull af trójuhestum
og að stress gerir illt verra
og að hlátursköst eru það skemmtilegasta í heimi
alveg þar til maður fer að gráta og fær illt í magann

Bætist í leigjendahópinn í húsinu

2007-03-12T15:46:00.000+01:00

Ég fór upp í ris áðan. Ná í þvottinn sem hékk þar til þerris. Í risinu er líka vinnustúdíó þriggja húsfélaga minna, sem ég var viss um að væru allir í skólanum.

Ég geng upp tröppurnar og heyri hljóð sem líkist því þegar maður pikkar inn á lyklaborð, rosalega hratt. Gæti verið Janita hugsa ég, hún er með doktorsgráðu í hraðritun, en ég var samt viss um að hún væri í skólanum. Geng áfram upp tröppurnar og hugsa. Hvað er þetta þá? Draugur í risinu að stelast til að senda magntölvupóst til framliðinna tölvutengdra ættingja varðandi á hvaða skýi eða í hvers manns risi næsta re-union yrði haldið? Geimvera með 18 fingur að hakka sig inní upplýsingagrunn Þjóðaröryggisstofnunar Bandaríkjanna? Lítill putadvergur að dansa steppdans? Langur stigi... margar spurningar.

Nei, það var þetta risastóra fiðrildi í glugganum. Það var svo stórt, eflaust 8-10 cm í vænghaf, og blakaði vængjunum svo hratt að þeir slógust í gluggann og framkölluðu þetta hljóð. Ég rauk til að náði í myndavél og öskraði á eina húsfélagann sem var heima ásamt mér. Við náðum mynd og hleyptum því svo út. Ég var dolfallin yfir þessu kvikindi, en hann virtist ekki kippa sér upp við þetta. Greinilega vanari risa fiðrildum í Chile en ég, mölbúinn af Klakanum.

já, veit, glugginn er skítugur. Fiðrildið skíttaði hann út!!!

moonað

2007-03-04T20:50:00.000+01:00

Tunglmyrkvinn sást mjög greinilega héðan frá Hollandi. Það vildi svo til að við Ren og Bing vorum stödd í Amsterdam, eftir að hafa eytt eftirmiðdeginum í Almere sem er ný borg rétt hjá Amsterdam. Þar kíktum við í búðir, skoðuðum byggingarnar sem rjúka upp þarna, safn eftir Sejimu, sem er nýbyggt og enn verið að klára. Þegar tók að rökkva ákváðum við að skella okkur í bíó. Fórum að sjá the Last King of Scotland, sem hann Forest Whitaker fékk Óskarinn fyrir leik sinn í. Hún var mjög áhrifamikil og góð áminning um hversu illa upplýst við erum um ástandið í Afríku fyrr og nú. Atburðir í þessari mynd gerðust á áttunda áratug síðustu aldar, undir einræði Idi Amin í Úganda. Á nokkrum árum náði hann að drepa um 300.000 manns. Eins og eitt Ísland! Mæli með þessari mynd.

Eftir bíóið fórum við með lestinni til Amsterdam, þar settumst við inn á lítinn stað og fengum okkur pizzu og hvítvín. Namm! Þegar við komum út blasti við okkur fallegur tunglmyrkvinn og allir gengu um göturnar með hausinn reigðan aftur til að horfa upp í himininn. Mjög áhrifamikið og skemmtilegt. En það er erfitt að taka myndir með zoomið í fullt, þegar maður er ekki með þrífót. Á endanum lá Ren í jörðinni, með myndavélina ofan á skónum sínum sem hann fór úr. Malasískur Kínverji á sokkaleistunum liggjandi í jörðinni með myndavél ofan á skó. Jebb.

Hef það annars ágætt, en þið?

Purple and Brown

2007-02-24T00:46:00.003+01:00

híhíhohohíhí

ár svínsins er hafið

2007-02-19T01:44:00.000+01:00

laugardagskvöld
fór á nýárshátíð Kínverja í kúltúrmiðstöðinni í skólanum. Bing og Feng spiluðu tvö kínversk lög. Fullt af skemmtiatriðum. Horfðum á feiknagóða flugeldasýningu.

Komum heim og þá var komið að hinum margumtalaða hákarli og brennivíni. Þetta rann "ljúft" niður í fólkið. Smá grettur og svona, en það tilheyrir.

Pétur og Dóri komu svo og við kíktum út á pöbbana og drukkum hinn ljúffenga drykk Ursus, sem er rauður vodki, framleiddur í Hollandi sem þeir segja að komi frá Íslandi. Sem er bara fyrir auglýsingamáttinn. Nammigóður drykkur.

sunnudagskvöld

fór á tónleika með hljómsveitinni Bonobo frá UK. Allir húsfélagar nema Janita fóru til Amsterdam á þessa æðislegu tónleika. Þar að auki fóru Gosia og Taku. Í frekar litlum klúbbi, troðfullt út úr húsi, góð stemning, góð tónlist, fallegur söngur, góður félagsskapur. Gaman.

Fín helgi.

Svona líður suð-austur Asíubúum þegar snjóar

2007-02-13T10:32:00.000+01:00

ég er á leiðinni

2007-01-26T13:58:00.000+01:00

jebb, þá er það staðfest.

Fer til Íslands á morgun og verð til 4. feb.

Öll heimboð vel þegin :) Veit ekki hvar ég mun búa... hér og þar býst ég við.

Síminn er 6167988

Sjáumst!

p.s. mikið hlakka ég til

logn

2007-01-22T17:09:00.000+01:00

já, veðrið er orðið ágætt núna. Kaldara. Spáð snjókomu í vikunni. Þá er gaman.
Hér fyrir ofan má sjá mynd af litla barninu mínu að leika sér í snjónum á Íslandi fyrr í vetur. Sakna kisunnar minnar. Svo falleg og mjúk.

Kynningin gekk. Svona lala. Ekkert til að hrópa húrra fyrir svosem. En sjáum til hvort ég komist ekki á réttan kjöl.

Back to work.

Fárviðri

2007-01-18T18:18:00.000+01:00

Eins og lesa má hér gengur gríðarlega öflugur stormur yfir landið. Lestir eru stopp, vegir líka, fólk flýgur af hjólunum sínum og þurrkar upp göturnar. Lestarstöðin í Amsterdam er löskuð, byggingakrani féll niður á hús og fólk. Skip rákust saman í höfninni í Rotterdam.

Ég hef ekki stigið fæti út úr húsi í allan dag, búin að vera að undirbúa mig fyrir kynningu í fyrramálið. Þarf að fara í kvöld uppí skóla að prenta. Ég mun annaðhvort fljúga þangað, eða heim aftur.

Í dag leit ég út um gluggann og sá mann standandi á þaki hérna fyrir aftan húsið okkar. Hann var að reyna að binda niður áfellu á þakkanti. Svo kom roka, og áfellan feyktist upp í loftið og hann mátti hafa sig allan við að fjúka ekki með henni, því hún greip hann með sér.

Annars erum við nokkuð örugg hér í húsinu, smá lekar hér og þar, en aðallega í mínu herbergi því ég er einmitt undir flata partinum af þakinu. Þar safnast vatnið saman í myndarlegan poll sem dropar niður á gólf hjá mér.

En þeir spá vindhraða upp á 36m á sekúndu. Eða 130 kílómetra á klukkustund. Eða tólf vindstig. Eða fárviðri. Það er dágóð gola.

Vonum bara að varnargarðarnir haldi.

p.s. Ren var að koma úr búðinni. Hann ákvað að kaupa 6 lítra af mjólk til þess að hann myndi ekki fjúka út í buskann á leiðinni heim. Fólk deyr ekki ráðalaust.

p.p.s Ég held ég prenti bara í fyrramálið.

Á réttri hillu?

2007-01-17T20:18:00.000+01:00

Tók þetta greindarpróf. Því ég er að læra fyrir próf. Þá æfir maður sig með því að taka próf á netinu.

Meðal niðurstaðna var upptalning á störfum sem ættu að eiga við mig.

Because of the way you process information, these are just some of the many careers in which you could excel:

* Archaeologist
* Detective
* Psychologist
* Sculptor
* Architect
* City planner
* Chief executive

jahá. Detective, Psychologist, Architect, City planner. Kannast einhver við að ég hafi komið nálægt þessu?

Þetta er annað en áhugasviðsprófið sem ég tók í H.Í. á sínum tíma. Um það leyti er ég var að falla í sálfræðinni. Þar var mér sagt að ég ætti að vera herforingi. Er það svona Chief executive? Leiðinlegt að herinn sé farinn. Missti af atvinnutækifæri. Skrái mig í íslenska herinn hans Bjössa Bjarnasonar við tækifæri.

Og ef ég fer í herinn, þá get ég sameinað það fornleifafræðinni. Í hernum er maður alltaf að grafa skotgrafir. (Hernaður hefur ekkert breyst síðan í Heimsstyrjöldinni síðari er það?) Maður hlýtur að rekast á eina tvær hauskúpur á meðan á þeim greftri stendur. Fyrir utan auðvitað allar þær fersku sem falla til.

össöss

oj

Vinnuumhverfið

2007-01-10T20:06:00.000+01:00

Svona er umhorfs í stofunni okkar um þessar mundir. Skil í næstu viku og allir að vinna.

Tveir núll núll sjö

2007-01-03T16:25:00.000+01:00

Gleðilegt ár öll!

Smá sýnishorn af áramótapartýinu á Dam torgi í Amsterdam á Gamlárskvöld. Ég gerði margt sem ég hef aldrei áður gert. Eins og að...
...dansa heilt lag með vélmennapósum, sjá mynd að neðan
...láta fólk færa bókasafnskortið mitt á milli sín á innsoginu
...hvetja fullorðið fólk til að dansa hóki pókí
...leiða "konga" röðina um allt torg
...gera litla 10 manna danshringinn okkar verða að 100 manna stórhring með því að taka inn alla sem við sáum.

Það var semsagt ágætisfjör.
Vonandi skemmtuð þið ykkur vel.

Núna er Ragnhildur farin frá mér. Tómt í herberginu. Bergmál. Kalt í rúminu mínu. Lífið byrjað aftur eftir jólafrí og afslappelsi.
Dæs.

Jól 2006

2006-12-25T12:17:00.000+01:00

Gleðileg jól gott fólk!

Þetta árið eru jólin öðruvísi.

Í gærkvöld hélt ég upp á jólin með Ragnhildi, Ren og Bing ásamt 6 öðrum samnemendum mínum. Þau eru öll frá Asíu. Taiwan, Hong Kong, Japan, Malasíu, Singapúr.

Við Ragnhildur byrjðum að elda á Þorláksmessu eftir að hafa verið að versla í matinn nánast allan daginn. Þá gerðum við hnetusteikina tilbúna þar sem ekki allir í hópnum borða kjöt.

Svo kom aðfangadagur bjartur og fagur.

Fékk myndina Annie í skóinn. Uppáhaldsmyndin mín þegar ég var barn.
Morgunmatur.
Ris-a-la-mand grauturinn gerður tilbúinn.
Sætar kartöflur soðnar.
Kartöflur soðnar.
Waldorfsalat búið til.
Skyrsalat líka.
Sveppir steiktir.
Kartöflumúsin stöppuð.
Rauðkálið hitað.
Sætkartöflumúsin.
Hnetusteik í ofninn.
Lagt á borð.
Stofan skreytt.
Jólatré tilbúið úr stólum.
Sveppasósan.
Aspassúpan hituð.
Gestir mæta.
Gláinn tilbúinn.
Svínahamborgarhryggur steiktur.
Svínahamborgarhryggur settur í ofninn.
Súpan borin fram.
Hnetusteik borðuð með meðlæti.
Hamborgarhryggur borðaður með meðlæti.
Rauðvín sötrað.
Rjóminn þeyttur í möndlugrautinn.
Kirsuberjasósan hituð.
Möndlugrautur með tilheyrandi leik.
Hiroko frá Japan fékk möndluna en gleypti.
Fékk cd frá Ampop.
Uppvask.
Kaffi og Baileys.
Nóakonfekt.
Pakkarugl.
Fékk kerti frá Kaz.
Spjall.
Út að labba, tókum með okkur freyðivín.
Leikir á torginu. (hlaupið í skarðið, fimm dimmalimm)
Kíkt á barinn. (einn bjór og spilað)
Kveðja gesti.
Heim.
Opna pakka að heiman og héðan.
Lesa jólakortin.
Horfa á Annie.
Sofna.

Í dag Fórum við svo að máta sófann þeirra Hjördísar og Kára. Þau eru farin til Íslands og báðu mig að fylgjast aðeins með húsinu fyrir sig. Elduðum hangikétið og grænu baunirnar, uppstúf og rauðkál. Malt og appelsín. Nammi og ái hvað ég borðaði mikið!

Þetta eru öðruvísi jól. En engu að síður mjög skemmtileg. Það var ákveðin áskorun að ætla sjálf (með Ragnhildi auðvitað) um matinn. En þetta var æði.
Að fara út í leiki var líka gaman. Pakkarnir voru mjög fínir, margar góðar bækur og ullarsokkar og hringurinn sem mig hefur langað í síðan Ragnhildur fékk sinn.

Svo er það bara París næst á dagskrá. Fjórar nætur þar. Svo áramótin í Amsterdam.

afmæli, þrítugasta og fyrsta árið í röð!

2006-12-23T02:44:00.000+01:00

Átti yndislegan afmælisdag hér í Delft. Í gærkvöld þegar klukkan sló 12 á miðnætti arkaði hersingin húsfélagar mínir inn í herbergið syngjandi afmælissönginn með þrjú risakerti á kafi í jólaköku og eitt lítið svona til hliðar.
Í morgun var ég svo vakin með pökkum í rúmið. Það var indælt og flottir pakkar! Svo fórum við Ragnhildur út að borða í hádeginu, röltum um bæinn, keyptum nokkrar jólagjafir og fínerí. Fórum heim í kaffi og með'í. Ragnhildur bakaði svo jarðaberjatertuna mína góðu. Hendrik fór í eldhúsið að elda og svo fór fólk að tínast inn í matarboðið. Góður félagsskapur, góður matur, góðar gjafir og góð símtöl frá ástvinum nær og fjær. Yndislegt kvöld. Mikið hlegið, mikið borðað og drukkið.

Núna er Ragnhildur undrasystir sofnuð og ég er að senda út boðskortin í Aðfangadagsmatinn. Verðum með 12 manns í mat! Eins gott að standa sig.

Jólin eru að kooooomaaaaaa!

Takk fyrir mig. Ég er afar þakklát.

persónulegar árásir

2006-12-15T01:02:00.000+01:00

Það hefur ýmislegt gengið á undanfarna daga.

Það hefur einn aðili hérna innan hússins ákveðið að leggja mig í einelti. Á hverju kvöldi fæ ég oddhvassar árásir frá viðkomandi, án þess að ég viti hvað ég hef gert af mér. Ég kem engum vörnum við. Á hverjum degi finn ég betur og betur hvernig þessar árásir eru að fara illa með mig. Þetta er að leggjast á sálina. Ég er hætt að geta litið í spegil á morgnana eftir slæman svefn. Þetta bókstaflega sýgur úr mér alla orku og mér finnst ég verða undir í þessu "stríði" sem er þó svo einhliða. Hinir húsfélagarnir standa utan við þessa orrahríð og geta lítið gert. Þeir veita mér þó stuðning þegar ég kvarta yfir þessu og það er þeim greinilegt hvaða áhrif þessa ástand er að hafa á mig. Viðkomandi hélt sig þó á mottunni meðan pabbi og Gunnhildur voru hérna. Vildi greinilega ekki spilla helginni. Þau urðu allavega ekki vör við neitt, vona ég. En ég er búin að vera í algjöru rusli yfir þessu, langar bara að klóra mig til blóðs þegar ég er minnt á ástandið. Ég er ekki að verja mig nóg greinilega.

Þetta breyttist í kvöld, þegar hún ætlaði enn og aftur að gera sig tilbúna til atlögu. Hendrik, hetjan mín, tók sig til og sló hana! Fast!!! Það kom blóð og allt. Slettist á vegginn. Það er þar enn. En það sem er svo ógeðslegt er að þetta er MITT blóð. Það spýttist út úr henni, bannsettri moskítóflugunni, þegar hann drap hana.

ég er töffari

2006-12-06T23:46:00.001+01:00

Which British Band Are You?

en þú?

stúdíó

2006-12-01T17:20:00.000+01:00

Fyrir viku vorum við með miðannarkynningu. Okkar verkefni er enn í hópvinnu og við unnum allt efnið saman. Ekkert okkar er byrjað á eigin hönnun. Við lögðum mikið í þessa kynningu. Svona lítur þetta út. Núna er það bara okkar að ná að draga saman einhverjar niðurstöður úr þessari greiningu.

bekkjarfélagar
fleiri
og fleiri
og enn fleiri...
kennarinn í svörtu og annar krítíker á midterm kynningunni
dæmigerður panell, vorum með 16 byggingar
panelarnir með byggingunum sem við rannsökuðum í Peking og módelin fyrir neðan
sneiðingin í gegnum Peking, þessi útprentun er 10 metrar á lengd
þéttleika stúdíur sem við gerðum fyrr í vetur, erum að taka saman í bækling alla rannsóknina okkar
við buðum upp á kínverskt te í kynningunni :)