júníblú: janúar 2007

ég er á leiðinni

| Published föstudagur, janúar 26 by Una.

jebb, þá er það staðfest.

Fer til Íslands á morgun og verð til 4. feb.

Öll heimboð vel þegin :) Veit ekki hvar ég mun búa... hér og þar býst ég við.

Síminn er 6167988

Sjáumst!

p.s. mikið hlakka ég til

logn

| Published mánudagur, janúar 22 by Una.

já, veðrið er orðið ágætt núna. Kaldara. Spáð snjókomu í vikunni. Þá er gaman.
Hér fyrir ofan má sjá mynd af litla barninu mínu að leika sér í snjónum á Íslandi fyrr í vetur. Sakna kisunnar minnar. Svo falleg og mjúk.

Kynningin gekk. Svona lala. Ekkert til að hrópa húrra fyrir svosem. En sjáum til hvort ég komist ekki á réttan kjöl.

Back to work.

Fárviðri

| Published fimmtudagur, janúar 18 by Una.

Eins og lesa má hér gengur gríðarlega öflugur stormur yfir landið. Lestir eru stopp, vegir líka, fólk flýgur af hjólunum sínum og þurrkar upp göturnar. Lestarstöðin í Amsterdam er löskuð, byggingakrani féll niður á hús og fólk. Skip rákust saman í höfninni í Rotterdam.

Ég hef ekki stigið fæti út úr húsi í allan dag, búin að vera að undirbúa mig fyrir kynningu í fyrramálið. Þarf að fara í kvöld uppí skóla að prenta. Ég mun annaðhvort fljúga þangað, eða heim aftur.

Í dag leit ég út um gluggann og sá mann standandi á þaki hérna fyrir aftan húsið okkar. Hann var að reyna að binda niður áfellu á þakkanti. Svo kom roka, og áfellan feyktist upp í loftið og hann mátti hafa sig allan við að fjúka ekki með henni, því hún greip hann með sér.

Annars erum við nokkuð örugg hér í húsinu, smá lekar hér og þar, en aðallega í mínu herbergi því ég er einmitt undir flata partinum af þakinu. Þar safnast vatnið saman í myndarlegan poll sem dropar niður á gólf hjá mér.

En þeir spá vindhraða upp á 36m á sekúndu. Eða 130 kílómetra á klukkustund. Eða tólf vindstig. Eða fárviðri. Það er dágóð gola.

Vonum bara að varnargarðarnir haldi.

p.s. Ren var að koma úr búðinni. Hann ákvað að kaupa 6 lítra af mjólk til þess að hann myndi ekki fjúka út í buskann á leiðinni heim. Fólk deyr ekki ráðalaust.

p.p.s Ég held ég prenti bara í fyrramálið.

Á réttri hillu?

| Published miðvikudagur, janúar 17 by Una.

Tók þetta greindarpróf. Því ég er að læra fyrir próf. Þá æfir maður sig með því að taka próf á netinu.

Meðal niðurstaðna var upptalning á störfum sem ættu að eiga við mig.

Because of the way you process information, these are just some of the many careers in which you could excel:

* Archaeologist
* Detective
* Psychologist
* Sculptor
* Architect
* City planner
* Chief executive

jahá. Detective, Psychologist, Architect, City planner. Kannast einhver við að ég hafi komið nálægt þessu?

Þetta er annað en áhugasviðsprófið sem ég tók í H.Í. á sínum tíma. Um það leyti er ég var að falla í sálfræðinni. Þar var mér sagt að ég ætti að vera herforingi. Er það svona Chief executive? Leiðinlegt að herinn sé farinn. Missti af atvinnutækifæri. Skrái mig í íslenska herinn hans Bjössa Bjarnasonar við tækifæri.

Og ef ég fer í herinn, þá get ég sameinað það fornleifafræðinni. Í hernum er maður alltaf að grafa skotgrafir. (Hernaður hefur ekkert breyst síðan í Heimsstyrjöldinni síðari er það?) Maður hlýtur að rekast á eina tvær hauskúpur á meðan á þeim greftri stendur. Fyrir utan auðvitað allar þær fersku sem falla til.

össöss

oj

Vinnuumhverfið

| Published miðvikudagur, janúar 10 by Una.

Svona er umhorfs í stofunni okkar um þessar mundir. Skil í næstu viku og allir að vinna.

Tveir núll núll sjö

| Published miðvikudagur, janúar 3 by Una.

Gleðilegt ár öll!

Smá sýnishorn af áramótapartýinu á Dam torgi í Amsterdam á Gamlárskvöld. Ég gerði margt sem ég hef aldrei áður gert. Eins og að...
...dansa heilt lag með vélmennapósum, sjá mynd að neðan
...láta fólk færa bókasafnskortið mitt á milli sín á innsoginu
...hvetja fullorðið fólk til að dansa hóki pókí
...leiða "konga" röðina um allt torg
...gera litla 10 manna danshringinn okkar verða að 100 manna stórhring með því að taka inn alla sem við sáum.

Það var semsagt ágætisfjör.
Vonandi skemmtuð þið ykkur vel.

Núna er Ragnhildur farin frá mér. Tómt í herberginu. Bergmál. Kalt í rúminu mínu. Lífið byrjað aftur eftir jólafrí og afslappelsi.
Dæs.

ég er á leiðinni

logn

Fárviðri

Á réttri hillu?

Vinnuumhverfið

Tveir núll núll sjö

Hlekkir

Nýlegar færslur

Skjalasafnið