Þessi eldavél er ekki sú kröftugasta af þeim öllum, það er alveg ljóst. Það eða ég er orðin svo svöng þegar ég kem heim á kvöldin að þolinmæðin er engin... gæti verið.
Erum búin að vera á kafi í verkefni alla vikuna, fyrir utan venjulegu kúrsana. EU-City heitir verkefnið. Þrír arkitektar að láta okkur kanna Holland í þaula (eða eins vel og hægt er á viku) með mismunandi sjónarmið í huga. T.d. var ég í hóp sem kannaði pólitík í Hollandi. Við skoðuðum uppbyggingu stjórnkerfisins, hvernig það hefur áhrif á þéttbýlismyndun í landinu. Aðrir hópar skoðuðu iðnað, samgöngukerfi, ferðamannaiðnað, húsagerð o.s.frv. Lokakynningin á svo að fjalla um nýja borg í Hollandi, hvar, hvernig og á hvaða forsendum hún þyrfti að virka. Spennandi. Þessir gaurar komu í LHI í vor. Man eftir fyrirlestri frá þeim. Og ENN er pastað ekki soðið!!
En já, er svo í öðrum kúrsum. Stúdíókúrsinn hefst í næstu viku, þessi vika var tileiknuð þessum EU-City kúrs. Þeir flakka um Evrópu og láta arkitektanema skoða öll löndin. Svo á að verða úr þessu bók.
Hinir kúrsarnir eru: Skipulagsfræði (saga skipulags í Hollandi). Saga arkitektúrs. Teikning og miðill (umræðuhópar um tengslin milli kenningarsmíði og praktíkur)þar sem við lesum bók eftir Stan Allen, Practice; architecture, technique and representation, og meltum í umræðuhópum. Svo er það Design Studio, (sem ekki er byrjað) en samhliða því erum við að lesa bók Aldo Rossi's Architecture of the City, og seinna bók eftir Venturi. Svo erum við í fyrirlestrum hjá Patrick Healy, þar sem við lesum bókina Beauty and the sublime. Þannig að já, þetta er ansi theóretískt ennþá, en það kemur ekki að sök. Finnst sá bakgrunnur frá LHI ekki vera mín sterka hlið. Fullt af ritgerðum sem á svo að skila, og allavega eitt próf. Ah, pastað soðið...
Kassarnir sem ég sendi á undan mér koma á morgun, 7,9,13... Meira vesenið á þessu. Er ennþá bara með einn gaffal og eitt glas og eina skeið og einn disk. Eldhúsdótið mitt er í kössunum í Rotterdam. Allir aðrir búnir að fara í IKEA og versla dót, en ég bíð eftir mínu, sem ég verslaði í IKEA á Íslandi. Hvar væru námsmenn án IKEA? Og hvar væri IKEA án fátækra námsmanna???
Þrátt fyrir lítinn svefn undanfarnar nætur er stefnan tekin á De Ruif, bar niðrí bæ. Þarna hittast nemar í Delft einu sinni í viku (meðal annarra staða) og drekka ódýran bjór. Í kvöld á að fagna afmæli ítölsku stelpunnar (22 ára btw) og í kvöld á einnig að fagna afmæli Hong-Kong gaursins sem á afmæli á morgun (ætli hann sé ekki 21!!!(ég er ellismellur hér en þeim mun þroskaðri))
Hef ekki hitt Íslendingafélagið (Rúnu, Árna og Pétur) í nokkurn tíma sökum anna, og frétti að þau yrðu þar í kvöld.
Fór til Rotterdam um helgina, þrammaði hana í 7 tíma. Töff, mjög töff borg. Þær verða ófáar ferðinar þangað á þessum námsárum grunar mig. Gerólík öðrum borgum í Hollandi sem ég hef séð. Fórum líka í langa rútuferð í síðustu viku með skólanum, þarf að koma mér upp myndasíðu greinilega...